كومسيار ئۆرپی داوا له‌ توركيا كرد ئاشتی وه‌ل كورد ئه‌نجام بيه‌ێد

له‌ى باوه‌تيشه‌و يوهانس هان وه‌رپرس له‌بان فراوانكردن يه‌كێتى ئۆرپا ئه‌را په‌رله‌مان ئۆرپى له‌ ئاشكراكردنيگ ك(شه‌فه‌ق نيوز)ئاگادارى بوى، وت: كومسياره‌گه‌ ئوميده‌واره‌ به‌رزه‌وبوين تون وتيژى له‌ توركيا نه‌مينێد و دانيشتن و گفتگوو شوونى بگرێد وه‌خاتر ره‌سين وه‌ چاره‌سه‌ريگ هه‌ميشه‌يى ئه‌را كيشه‌ى كورد.

جى باسه‌، ناوبرياگ هه‌ميش وت: له‌ ساڵ گوزه‌يشت دريغى گه‌ورايگ له‌بان سه‌روه‌خوه‌يى دادوه‌رى و له‌بان ئازادى خوه‌ينيشانداين و ئازادى ڕاده‌رخستن روێداگه‌ وه‌تايبه‌ت له‌بان رووژنامه‌نويسه‌يل و ڕخه‌وبردنيان، ك يه‌يش بويه‌ هووكار گرتن تونترين ره‌خنه‌ له‌ توركيا له‌ وه‌ختيگ ك هه‌وڵ ئه‌ياد بچێده‌ ناو يه‌كێتى ئۆرپا.