Thu, 27 Aug 2026 22:25:12 +0000 ar hourly 3 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%B3-%D9%84-%D9%86-%D9%86-%D9%88%D8%AF-%D8%B4%D8%AA-%D8%B1%D9%88%D9%88-%D8%B3-%D8%A7%D9%86-%D8%A8%D8%B4%D9%88%D8%B1%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%B3-%D9%84-%D9%86-%D9%86-%D9%88%D8%AF-%D8%B4%D8%AA-%D8%B1%D9%88%D9%88-%D8%B3-%D8%A7%D9%86-%D8%A8%D8%B4%D9%88%D8%B1%D9%86 ئەو کەسەیلە کین نیەود گشت رووژیگ گیسیان بشورن؟

شەفەق نیوز ـ وەدویاچگن

شوردن رووژانەی گیس وە یەکجاری بەد نییە، بەڵکم بەسیاگە وە جویر گیس و بار پووس سەر و شێواز ژیاند.

وەپای خەوەریگ ماڵپەڕ"clevelandclinic"، ئەو کەسەیلە گیسیان باریکە یا پووس سەریان چەورە، فرە جار هەوەجە وە شوردن رووژانە کەن، لە وەختیگ ئەوانەگ گیسیان هشکە و یا لویل و پیچاوپیچە شوردن وەردەوامبوودە مدوو هشکەوبوین و بڕیان تاڵەگانی.

باوجی شوردن رووژانەی گیس ئاساییە ئەەر سەرد چەوری فرەیگ دەربکەێد یا تاڵەیل قژ ناسک و باریک بن چوینکە زوی چەوری گرن وەیەکەو لکیەن.

]]> Wed, 26 Aug 2026 16:13:12 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D9%86-%D9%86%D9%88%D8%A7-%D8%B1-%D9%84-%D8%AA%D9%88-%D8%B4%D9%87%D8%A7%D8%AA%D9%86-%D9%88-%D8%B4-%D8%B1-%D8%AC%D9%88-%D8%B1-%D8%AF%D9%88%D9%88-%D8%A8-%D9%85%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D9%86-%D9%86%D9%88%D8%A7-%D8%B1-%D9%84-%D8%AA%D9%88-%D8%B4%D9%87%D8%A7%D8%AA%D9%86-%D9%88-%D8%B4-%D8%B1-%D8%AC%D9%88-%D8%B1-%D8%AF%D9%88%D9%88-%D8%A8-%D9%85%D9%86 ‏چوین نواگیری لە تویشهاتن وە شەکرەی جویر دوو بکەیمن؟

شەفەق نیوز ـ وەدویاچگن

‏نواگیری لە شەکرەی جویر دوو فرە قورس نییە و هەوەجە وە ئاڵشتکاریەیل فرە گەپیگ نیەکەێد.

‏وەپای خەوەریگ ماڵپەڕ"healthline"، تەنیا وە داوەزانن ٪5 تا ٪7 کێش لەش، ئەنجامدان نیم ساعەت وەرزش لە فرەیگ رووژەیل و خواردن خوەراک تەدروس توەنرێد رخداریەیلی وە تەواوی کەم بکرێد.

‏لە ناوەین ژەمەیل تەقەلا بدە سەوزە و میوە و فاسۆلیا و دانەویلە تەواو جویر برنج و شۆڤان زیاتر بخوەێد، چوینکە فایبەریان بەرزە، لە وەرانوەر خواردنەیل شیرین جویر شەربەت وبیپسی و ئارد چەرمگو مەعکرۆنە و خواردن برشیاگ کەمەوبکرێد گردەکان و توەم و روین رەیتون بارێدە وەکارهاوردن.

‏نیم ساعەت وە پیادەریکردنو سناوکردن یا پاسکیڵ سواری هەفتەی پەنج رووژ بەسە تا لەش خاستر ئەنسۆلین وەکاربارێد.

‏

‏

]]> Tue, 25 Aug 2026 16:00:38 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%84-%D8%AF%D9%88-%D8%A7-%D8%B2-%D9%88-%D9%84-%D8%B1%D8%B2-%D9%88-%D8%B1%D8%A7%D9%86-%D8%B1-%D9%84-%D9%85%D8%A8-%D8%A7-%D8%B4%D8%A7-%D8%B1%D8%A7-%D8%A8-%D8%A7%D8%B1-%D8%AF%D8%B1%D9%88%D8%B3-%D8%B1%D8%AF%D9%86-%D9%85-%D8%AA-%D9%88-%D8%AF-%D8%AF-%D9%84-%D9%86%D8%A7%D9%88 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%84-%D8%AF%D9%88-%D8%A7-%D8%B2-%D9%88-%D9%84-%D8%B1%D8%B2-%D9%88-%D8%B1%D8%A7%D9%86-%D8%B1-%D9%84-%D9%85%D8%A8-%D8%A7-%D8%B4%D8%A7-%D8%B1%D8%A7-%D8%A8-%D8%A7%D8%B1-%D8%AF%D8%B1%D9%88%D8%B3-%D8%B1%D8%AF%D9%86-%D9%85-%D8%AA-%D9%88-%D8%AF-%D8%AF-%D9%84-%D9%86%D8%A7%D9%88 ‏لە دویای زەویلەرزە ویرانکەرەگەی کۆلۆمبیا شاکیرا بڕیار دروسکردن مەکتەو دەێد لە ناوچەگە

‏شەفەق نیوز ـ وەدویاچگن

‏گورانیچڕ ناودیار شاکیرا راگەیان، زیاتر لە مەکتەو لە کۆلۆمبیا دروسەوکەێد دویای ئەوگ زەویلەرزەیگ کارەساتبار لە وڵاتەگە رویدا و بویە مدوو رمیان سەدان باڵەخانە و بینا.

‏شاکیرا، خانمە هونەرمەن کۆڵۆمبی، ، ئێ بەڵێنە لە میانەی گەشتیگی ئەرا یەکیگ  لە ناوچە زەرەدیەیل  کۆڵۆمبیا راگەیان، کە وە مدوو گەپترین زەویلەرزە لە مێژووی وڵاتەگە ویران بویە.

‏شاکیرا لە لێدوانیگ راگەیان " ئەواگ فرە نیگەرانم کەێد مەکتەو ئاوەدان نیەکرێد هنای ئێ بارودۆخ نائاساییە تەواو بوود"، وتیش: " هەرووژ نەچگن مناڵەیل ئەرا مەکتەو لەدەسدان رووژیگە لە ئایندەیان". 

‏وەپای ئامارە فەرمییەیل، زەویلەرزەگەی کۆڵۆمبیا کە وە  7.4 پلە بەش فراوانیگ خوەرئاوای کۆڵۆمبیا لە 10ی ئابدا لەرزان و لانیکەم 287 کەس گیان لەدەسدان و زیاتر لە 26 هەزار ماڵیش ویران بوی.

]]> Mon, 24 Aug 2026 09:27:58 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%B2%D8%A7-%D8%A8-%D9%86-%D9%84-%D8%A8%D8%A7%D9%86-%D8%A8-%D8%AA-%D8%B1-%D8%A8-%D8%AA-%D9%86-%D9%85%D8%A7%D8%B1-%D9%85%D8%A7%D9%86-%D8%AC-%D9%87%D8%A7%D9%86-%D8%B1%D8%A7-%D8%B4%D8%A8-100-%D9%85-%D8%AA%D8%B1-%D8%B4-%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%B2%D8%A7-%D8%A8-%D9%86-%D9%84-%D8%A8%D8%A7%D9%86-%D8%A8-%D8%AA-%D8%B1-%D8%A8-%D8%AA-%D9%86-%D9%85%D8%A7%D8%B1-%D9%85%D8%A7%D9%86-%D8%AC-%D9%87%D8%A7%D9%86-%D8%B1%D8%A7-%D8%B4%D8%A8-100-%D9%85-%D8%AA%D8%B1-%D8%B4-%D9%86-%D8%AF وە زاڵبۊن لەبان بۆڵت.. رۆبۆتیگ چینی ژمارەی پەیمانەیی جەهانی ئەرا پێشبڕکێ 100 مەتر شکنێد

شەفەق نیوز- پەکین

رۆبۆتیگ چینی شیوە مرۆڤ شمارەی پەیمانەیی جەهانی ئەرا مرۆڤ لە پێشبڕکێ 100 مەتر شکان، دۊای ئەوەگ مەوداگە لە ماوەی 9.32 چرکە بڕی، وە زاڵبۊن لەبان ئەو شمارە کە وەناو راکەر جامایکی یوسێن بۆڵت توومار کریاگە.

 دەسەی پەخش حکومی چینی، ئمڕوو شەممە، خەوەردا کە رۆبۆت "لایتنینگ"، کە کۆمپانیای "ئۆنەر" چینی تایبەتمەن لە پیشەسازی مۆبایلە زیرەکەیل وەرەونوای بردیە، ئی وەختە مەوقەی تاقیکردنیگ ئامادەکاری ئەرا خول دۊەم لە وازییەیل جەهانی ئەرا رۆبۆتە شیوە مرۆڤەیل وەدەس هاوردگە، کە ئمڕوو دەس وەپی کەێد.

 بەرزترین تونی دەوکردن رۆبۆتەگە مەوقەی تاقیکردنەگە رەسیە 14.5 مەتر لە چرکەیگ، تا وەختەگەی کەمتر بوود لە شمارەی پەیمانەیی جەهانی ئەرا پێشبڕکێ 100 مەتر پیاوەیل، کە رەسێدە 9.58 چرکە، و وەناو بۆڵت لە ساڵ 2009ەو توومار کریاگە.

 ئی دەسکەفتە لە سای گەشەکردن ململانێی چینی لە بوار وەرەونوابردن رۆبۆتە شیوە مرۆڤەیلە تیەێد، و چگنەناویان وە شیوەیگ زیایبۊ لە تاقیکردنەیل وەرزشی کە ئامانج لەلیان پەیمانەی توانایانە لەبان جۊلە و تونی و وەرگەگردن.

]]> Sat, 22 Aug 2026 12:14:37 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B3-%D9%84-%D8%A7%D8%AA%D8%B1%D9%87%D8%A7%D9%85-%D8%A8-%D8%B1-%D8%AA%D8%A7%D9%86-%D8%A7%D9%87-%D9%86-%D9%88-%D8%A7%D8%AF-117-%D8%B3%D8%A7-%D9%84-%D8%AF%D8%A7-%D8%A8-%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B3-%D9%84-%D8%A7%D8%AA%D8%B1%D9%87%D8%A7%D9%85-%D8%A8-%D8%B1-%D8%AA%D8%A7%D9%86-%D8%A7%D9%87-%D9%86-%D9%88-%D8%A7%D8%AF-117-%D8%B3%D8%A7-%D9%84-%D8%AF%D8%A7-%D8%A8-%D9%86-%D8%AF "ئێسێل کاترهام" بەریتانی، ئاهەنگ وە یاد 117 ساڵەی لەداڵگبۊنی کەێد

شەفەق نيوز- وەدویاچگن 

وە هەڵگردن نازناو گەوراترین کەس تەمەندریژ کە لە جەهان لە ژیان مەنیە، کە خوەی لەداڵگبۊی ساڵ 1909ە، "ئێسێل کاترهام" پیرەژن بەریتانی، ئاهەنگ وە یاد 117 ساڵەی لەداڵگبۊنی کەێد.

ئەو رۊداوەیلە کە وەپای رزبەننی هاوەختیان بۊە:

 نوقمبۊن کەشتی تایتانیک

 جەنگ یەکەم جەهانی

 ئەنفلۆنزای ئیسپانی

 دامەزرانن یەکێتی سۆڤیەت

 رەسین هیتلەر وە دەسەڵات لە ئەڵمانیا

 جەنگ دۊەم جەهانی

*دامەزرانن نەتەوە یەکگرتگەیل

 دامەزرانن ئیسرائیل 

 نیشتنەوەی مرۆڤ لەبان مانگ

 رمیان دیوار بەرلین

رمیان یەکێتی سۆڤیەت

 جەنگەیل یەکەم و دۊەم و سێیەم کەنداو

 پەلامارەیل 11 سێپتێمبەر

 داگیرکردن ئەفغانستان

 داگیرکردن عراق

 قەیران دارایی جەهانی 2008

 پەتای کۆرۆنا

جەنگ رووسیا و ئۆکرانیا

 قڕکردن غەزە لەلایەن ئیسرائیل 

 رمیان رژێم بەشار ئەسەد

رفانن سەرۆک ڤەنزوێلی لەلایەن ویلایەتە یەکگرتگەیلەو.

]]> Sat, 22 Aug 2026 11:28:17 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF%D9%87-%D9%88-%D9%86-%D9%84-%D8%A8%D8%A7%D9%86-%D9%86%D8%B3%D8%AA%D8%A7-%D8%B1%D8%A7%D9%85-%D9%88%D9%88%D8%AA%D8%A7-%D9%88-%D8%B4%D8%AA-%D8%AE-%D8%B2%D8%A7%D9%86-%D8%AA-%D8%A7%D8%B1-%D8%AF-23-%D8%B3%D8%A7-%D9%85-%D9%86-%D9%88-%D8%A7%D9%86-%D8%B1%D8%AF%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF%D9%87-%D9%88-%D9%86-%D9%84-%D8%A8%D8%A7%D9%86-%D9%86%D8%B3%D8%AA%D8%A7-%D8%B1%D8%A7%D9%85-%D9%88%D9%88%D8%AA%D8%A7-%D9%88-%D8%B4%D8%AA-%D8%AE-%D8%B2%D8%A7%D9%86-%D8%AA-%D8%A7%D8%B1-%D8%AF-23-%D8%B3%D8%A7-%D9%85-%D9%86-%D9%88-%D8%A7%D9%86-%D8%B1%D8%AF%D9%86 دهۆک.. وینەیگ لەبان "ئینستاگرام" کووتایی وە گەشت خیزانیگ تیارێد کە 23 ساڵ مینەی کوڕەگەیان کردن

شەفەق نیوز- دهۆک

دۊای 23 ساڵ لە دیارنەمان، قاسم حسێن کە هاووڵاتییگ کوردە لە دهۆک گلەو خوارد ئەرا خیزانەگەی لە ئاوای کانی سپام لە قەزای بەردەڕەش، و کووتایی وە ساڵەیل دریژیگ لە چەوەڕیکردن و مینەکردن لە چارەنویسی هاورد.

قاسم عراق وەجی هیشت لە ئەنجام ناکۆکییگ خیزانی لەبان بەشەوکردن میراتی لە زەۊەیل کشتوکاڵی، وەرجە ئەوەگ گەشتەگە لە ئیران پایانی بوود، کە لەورا ژیا و ناویەن شارەیلی ماوەی چەن ساڵیگ گەردی، تا وینەیگ ئەرا خیزانەگەی لەبان ماڵپەڕەیل پەیوەندی کۆمەڵایەتی هیشت پەیوەندی وەگەردیان بکەێدەو، تا رەسیە وەختیگ لە دیدار کە دیارنەماگەگە ئەرا ماڵەگەی گلەو دا.

 حسێن، ئەرا ئاژانس شەفەق نیوز وت، کە وەرجە 23 ساڵ عراق وەجی هیشتیە و وەرەو ئیران چگە، کە لە سەرەتا لە شار مەهاباد نیشتەجی بۊە، وەرجە ئەوەگ ناوەین ناوچەیل جیاواز لە باکوور و باشوور وڵاتەگە بگەردێد، و دەسنشان ئەرا ئەوە کرد کە لە ساڵەیل دیارنەمانی سەردان فرەی شار و پارێزگایەیل ئیرانی کردگە.

 دیاری کرد کە لە بازرگانی کار کردگە، وە تایبەت بازرگانی تەماتە و پڕتەقاڵ، و دیاری کرد کە ساڵەیل دیارنەمانە دریژەگە لە خیزانەگەی دۊری خستیەسەو، لە وەختیگ پەیوەندی وەگەردیان نیمچە بڕیاگ بۊ.

 لەباوەت مدوو وەجیهیشتنی، حسێن وت: "خاوەن میراتیگ فراوان لە زەۊەیل کشتوکاڵی بۊمن، وەلی پرۆسەی بەشەوکردنی ناوەین ئەندامەیل خیزانەگە وە شیوەیگ وەڕیەوە چگ کە تویڕەم کرد، و هیچ چشتیگ لەو بەشە وەپیم نەڕەسی، و باوەتەگە لە دەروینم هەستیگ قۊل وە ستەم و نائومیدی هیشتەو، و ئەوەیش هیشت بڕیار وەجیهیشتن ماڵ و دۊرکەفتن بیەم".

هەمیش وت کە خاڵ ئاڵشتکارییەگە وەرجە نزیکەی دوو مانگ هات، وەختیگ وینەیگ ئەرا خیزانەگەی کەفتە وەردەمی مەوقەی چەوەخشاننی ئەرا یەکیگ لە ماڵپەڕەیل پەیوەندی کۆمەڵایەتی، و دەسنشان ئەرا ئەوە کرد کە دەسپێشخەری کردگە لە کلکردن نامەیگ ئەرا یەکیگ لە کوڕەیلی لەڕی بەرنامەی "ئینستاگرام"، وەرجە ئەوەگ بتۊنێد پەیوەندی وەگەرد ئەندامەیل خیزانەگەی لەڕی پەیوەندییە تەلەفۆنییەیل دەس بخەێدەو.

 حسێن وت: "ئمڕوو رەسیمە خیزانەگەم و من لە دڵخوەشی و شادومانییگ گەورەم"، و دیاری کرد کە بڕیار داگە وەگەرد خیزانەگەی لە هەرێم کوردستان بمینێدەو دۊای ساڵەیل دریژیگ کە لە دەیشت عراق وەسەری بردیە، و دەسنشان ئەرا ئەوە کرد کە مەوقەی بۊینی لە ئیران هاوسەرگیری کردگە.

لە لای خوەییشەو، جاسم حسێن، برای قاسم، وت کە ئمڕوو "دڵخوەشترین رووژەیل ژیانی و ژیان خیزانەگەس"، و دووپات کرد کە دیدار براگەی دۊای ئی دیارنەمان دریژە ساتیگ بۊ کە وە وشەیل سەختە باس بکریەێد.

دیاری کرد کە خیزانەگە ماوەی ساڵەیل گوزەشتە لە مینەکردن قاسم نەوەسانە، و تەقەلا دان لەڕیەیل جیاوازەو بڕەسنە پی، و لەڕی کونسوڵخانەیل و لایەنە پەیوەندیدارەیل لە عراق، وەلی ئاڵشتکردن ناوەگەی هیشت ئەرک پەیاکردنی سەختترەو بوود.

هەرلیوا، جاسم دووپات کرد، کە خیزانەگە ساڵەیل دریژیگ ژیان بی زانستن چارەنویس قاسم یا شوین بۊینی گوزەران کردن، وەرجە ئەوەگ گەشت مینەکردنەگە وە دیدار دووارەی لەناو ماڵ خیزانەگە کووتایی باێد.

 دۊای زیاتر لە دوو دەیە لە دیارنەمان و گەردین ناونی شارەیل و وڵاتەیل، قاسم گلەو خوارد ئەرا ئەو شوینە کە ئەندامەیل خیزانەگەی  کە لەی مەوقە گشت ئی ساڵەیل چەوەڕی گلەوخواردنی کردن، تا چیرووک دیارنەمانیگ دریژ وە دیداریگ خیزانی کووتایی باێد کە ئەسرەیل دڵخوەشی وەگەرد هەستەیل سەرسامی لەناوی تیکەڵ بۊن.

]]> Wed, 19 Aug 2026 09:53:07 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%81-%D9%86%D8%B3%D8%A7-%D8%A7%D8%B3%D8%A7-%D9%88%D8%B4%D8%AA%D9%86-%D8%A8-%D8%B2-%D8%A7%D9%86-%D8%B3-%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%81-%D9%86%D8%B3%D8%A7-%D8%A7%D8%B3%D8%A7-%D9%88%D8%B4%D8%AA%D9%86-%D8%A8-%D8%B2-%D8%A7%D9%86-%D8%B3-%D9%86-%D8%AF فەڕەنسا یاسای "کوشتن بەزەییانە" چەسپنێد

شەفەق نیوز- پاریس

سەرۆک فەڕەنسی ئیمانوێل ماکرۆن، ئمڕوو چوارشەممە، یاسای کوشتن بەزەییانە (ئیتانازیا) لە فەڕەنسا ئیمزا کرد، وەپای رووژنامەی فەرمی.

 پەرلەمان فەڕەنسی ئی دەقە لە ناوەڕاس یۆلیۆی گوزەشتە پەسەن کردۊد، لە وەختیگ ئەنجومەن دەستووری لە 14 ئاب ئیسە پەسەنی کرد، و وە گونجیاگ وەگەرد دەستوور هەژماری کرد.

 یاساگە دەسنشان ئەرا ماف مردن بەزەییانە لە فەڕەنسا کەێد ئەرا ئەو کەسەیلە کە لە قۆناغەیل دۊایین یا کووتایی لە دەردیگ رخداری و بیئومێد لە خاسەوبۊنی ژیەن.

 ئی رێکارە وەردەس بوود ئەگەر کەسەگە رەنج لە دەردیگ تون کیشێد وە مدوو بیمارییگ کە چارەسەری نییە یا وەرگەی نیەگیریەێد مەوقەی وەسانن چارەسەرییەگە.

 ئەو کەسەیلە کە تەمەنیان لە 18 ساڵ فرەترە، و ئەوانەگ رەگەزنامەی فەڕەنسی یا نیشتەیێبۊن هەمیشەیی یاسایی لە وڵاتەگە هەڵگرنە، ماف ئەوە دیرن داوای دەسمیەتی لە مردن بکەن.

]]> Wed, 19 Aug 2026 09:40:32 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF%D8%B1%D8%A7-%D9%86-%D8%A8%D9%88-%D8%AF%D9%88%D8%A7%D8%B1-%D8%AF-%D8%B1-%D9%81%D8%AA%D9%86-%D9%88 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF%D8%B1%D8%A7-%D9%86-%D8%A8%D9%88-%D8%AF%D9%88%D8%A7%D8%B1-%D8%AF-%D8%B1-%D9%81%D8%AA%D9%86-%D9%88 ‏دراگۆنە بویچگەگە دوارە دەرکەفتنەو

شەفەق نیوز ـ وەدویاچگن

سوور سیخوڕپای بۆرنیۆ، کە وە «دراگۆن بویچگ»ـ خشیەیل ناسرێد، بونەوەریگ دەگمەن و نهێنییە کە تەنیا لە دارستانە باراناوییەیل دوورگەی بۆرنیۆدا زندگی کەێد.

‏وەپای خەوەریگ ماڵپەڕی"futura"، ئێ گیاندارە تاکە رزگاربووی بنەماڵەی (Lanthanotidae)یە و جویر وە سەنگبویگ زینگ ئیسفاکرێد،  چوینکە بنەچەکەی ئەرا زیاتر لە 66 ملیۆن ساڵ وەرجە ئیسە چوود، واتا سەردەم دایناسۆڕەیل.

‏ئێ دراگۆنە بویچگە وەشەو گورجە و وە رووژ لەژیر سەنگ و گەڵا روەکەیل خوەی شارێدەو، وە مدوو رەنگ پوسی و  ئەو خەرگ و خوەڵەی وە لەشی لکێد  خوەی پوڕان خاسیگ دیرێد کە ئیسافکردنی لە دارسانەیل ئەستەم کردیە.

‏ ئیرنگە ئێ جویرە هاژیر هەڕەشەی لەناوچگن وە مدوو تێکدان دارسانەیل و راوکردن نایاسایی ئەرا بازرگانیکردن وەپی.

‏یەکێتیی ناودەوڵەتی ئەرا پاراستن سروشت (IUCN) خستیەسە ناو لیستە سوورەگەی گیاندارەیل کە  هەڕەشە هابانیان. زانایەیل دووپاتکەن  پاراستن ژینگەگەی و ریگریکردی لە بازرگانیکردنی نایاسایی، تاکە ریگەس ئەرا مەنن ئێ ئاژەڵە دەگمەن و مێژووییەی زەوی.

‏ 

‏

‏

‏

]]> Tue, 18 Aug 2026 16:05:58 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D9%88-%D9%84-%D8%B1%D8%B2-%D9%85%D8%A8-%D8%A7-%D8%B4%D8%A7-%D8%B1%D8%A7-%D9%85%D8%A7%D9%86-%D8%AF-%D8%AF-10-%D9%85-%D8%AA-%D9%88-%D8%AF%D8%B1%D9%88%D8%B3-%D8%A8-%D8%AF-%D9%88-%D8%B2-%D8%B1-%D8%AF-%D9%84-%D8%A7%D8%B1-%D8%B3%D8%A7%D8%AA-%D8%B1-%D8%B3-10-%D9%85%D9%84-%D8%A7%D8%B1-%D8%AF-%D9%84%D8%A7%D8%B1 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2-%D9%88-%D9%84-%D8%B1%D8%B2-%D9%85%D8%A8-%D8%A7-%D8%B4%D8%A7-%D8%B1%D8%A7-%D9%85%D8%A7%D9%86-%D8%AF-%D8%AF-10-%D9%85-%D8%AA-%D9%88-%D8%AF%D8%B1%D9%88%D8%B3-%D8%A8-%D8%AF-%D9%88-%D8%B2-%D8%B1-%D8%AF-%D9%84-%D8%A7%D8%B1-%D8%B3%D8%A7%D8%AA-%D8%B1-%D8%B3-10-%D9%85%D9%84-%D8%A7%D8%B1-%D8%AF-%D9%84%D8%A7%D8%B1 زەویلەرزەی کۆڵۆمبیا.. شاکیرا پەیمان دەێد 10 مەکتەو دروس بکەێد و زەرەدەیل کارەساتەگە رەسیە 10 ملیار دۆلار

شەفەق نیوز- وەدۊاچگن

ئەسارەی گورانیچڕ کۆڵۆمبی شاکیرا، پەیمان دا دەسمیەتی بەێد لە دروسکردن 10 مەکتەو نوو لەلای کەمەو لە ناوچەیگ دۊرەدەس لە وڵاتەگەی کە تویش زەویلەرزەیگ ویرانکەر بۊە لە هەفتەی گوزەشتە و بۊە مدوو کوشیان سەدان کەس.

 شاکیرا دۊکە دووشەممە سەردان کیبدۆ کرد، پایتەخت هەرێم چۆکۆی کۆڵۆمبی، کە لەورا سەردان مەکتەوە زەرەدمەنەیل کرد، و باوەش وە خوەنەوارەیل کرد و وینە وەگەردیان گرد.

 ئەرا رووژنامەنووسەیل وت: "فرەترین چشتیگ کە نیگەرانم کەێد ئەوەسە کە مەکتەوەیل دووارە دروس نیەکریەین دەسوەجێ دۊای کووتاییهاتن ئی رەوش پەلە، هەر رووژیگ کە مناڵەیل نیەچنە مەکتەو رووژیگە کە دەرفەتەیل لەدەسیان چن لە بانانیان".

 هاوارد بافێت، کوڕ ملیاردێر و پیاو کارەیل خێرخواز وارن بافێت، یاوەری شاکیرا کرد، و بڕیارە دامەزراوەی هاوارد جی  بافێت وەگەرد دامەزراوەی "فۆنداسیۆن پیس دیسکالسۆس" یا (دامەزراوەی پایەیل پەتی) لە پرۆژەگە هاوکاری بکەن.

لە لای خوەییشەو، سەرۆک کۆڵۆمبی ئەبیلاردۆ دی ئیسپریا دووپات کرد کە زەرەدە ئابوورییەیل هاتگ لە زەویلەرزە تونەگە کە هەفتەی گوزەشتە وڵاتەگە لەرزان شایەت بڕەسێدە 30 تریلیۆن پیزۆ (9.58 ملیار دۆلار).

 دی ئیسپریا زیاتر وت کە ئەو زەرەدەیلە کە رەسینەسە باڵەخانەیل مەزەنە کریەێد وە نزیکەی 24.5 تریلیۆن پیزۆ لە وەختیگ زەرەدەیل ژیرخان رەسیەسە 5.5 تریلیۆن.

هەمیش وت "تەنیا هویریگ لە قەوارەی کارەساتەگە بکەنەو"، و دەسنشان ئەرا ئەوە کرد کە ئی شمارەیلە وەگەرد وەخت شایەت ئاڵشت بوون.

 وتیش "یە شمارەیگ سەرەتاییە کە راسەو کریەێد مەوقەی دەسخستن زانیارییەیل زیاتر و هەڵسەنگاندن ئەو زەرەدەیلە کە ئی زەویلەرزە لە هەر ناوچەیگ بۊەسە مدووی".

جی باسە کە زەویلەرزەیگ وە هاز 7.4 پلە وە پەیمانەی رێختەر لە 10ی ئاب لە کۆڵۆمبیا دا، و 265 کوشیاگ هیشتەو، و سەنتەر زەویلەرزەگە نزیک بۊ لە شار سان خۆسێ دیل پاڵمار لە کەرت چۆکۆ لە خوەرئاوای کۆڵۆمبیا.

]]> Tue, 18 Aug 2026 06:48:10 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%87%D9%88%D8%B4%D8%AF%D8%A7%D8%B1-%D9%84-%D8%B2%D8%B1-%D8%A7%D9%86-%D8%AE%D9%88-%D8%B1-%D8%AA%D8%A7%D9%88-%D8%AA-%D8%B4-%D8%AF%D8%A7-%D9%86-10-%D8%AC%D8%A7%D8%B1-%D8%A8-%D8%B1%D8%B2-%D9%88-%D8%AF-%D9%88-%D8%A7%D8%B1-%D8%B1-%D9%84-%D8%A8%D8%A7%D9%86-%D9%81%D8%B1-%D9%84-%D8%AF-%D8%B1-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%87%D9%88%D8%B4%D8%AF%D8%A7%D8%B1-%D9%84-%D8%B2%D8%B1-%D8%A7%D9%86-%D8%AE%D9%88-%D8%B1-%D8%AA%D8%A7%D9%88-%D8%AA-%D8%B4-%D8%AF%D8%A7-%D9%86-10-%D8%AC%D8%A7%D8%B1-%D8%A8-%D8%B1%D8%B2-%D9%88-%D8%AF-%D9%88-%D8%A7%D8%B1-%D8%B1-%D9%84-%D8%A8%D8%A7%D9%86-%D9%81%D8%B1-%D9%84-%D8%AF-%D8%B1-%D8%AF هوشداری لە زریانیگ خوەرەتاوی کە تیشکداین 10 جار بەرزەو کەێد و کاریگەری لەبان فرۆکەیل دیرێد

شەفەق نیوز- وەدۊاچگن

خوەنستنیگ نوو ئاشکرای کاریگەرییگ چەوەڕیکریاگ ئەرا زریانە خوەرەتاوییە تونەیل لەبان جۊلەی فرۆکەوانی کرد، دۊای ئەوەگ پەیمانەیل نشان دان کە ئاستەیل تیشکداین لە ئاسمان فرۆکەوانی بەرزەو بۊە ئەرا نزیکەی 10 جار ئەوەنەی ئاستەیل سروشتیی لەماوەی زریانیگ خوەرەتاوی تەن، وەگەرد هوشداریەیل لە رخباریەیل گەوراتر لە ئەگەر رۊداین رۊداوە خوەرەتاوییە نائاساییەیل.

 خوەنستنەگە کە لە ساڵ 2026 لە بڵاوکریاییگ جەهانی بڵاو کریا نشان دا کە فرۆکە بازرگانییەیل، کە فرەتر لە بەرزاییەیل رەسنە نزیکەی 40 هەزار پا فڕن، فرەتر وەرەوڕۊ تەنۆلکەیل خاوەن هاز بەرز بوونەو، وە مدوو داوەزین ئەو مقیەتیکردنە کە کەوڵ وا دروسی کەێد وە وەراورد وە رۊ زەۊ.

وپەیمانەیل کە ئامێرەیلیگ ئەنجامیان دانە و زانکۆی سری پەرە وەپیان داگە و باڵۆنەیل هەڵیان گردنە ئەرا ئاستەیل فرۆکەوانی، نشان دان کە تیشکداین لە 11 تشرین دۊەم 2025، مەوقەی رۊداویگ خوەرەتاوی تون لە جۊر "قایمکردن لەبان ئاست رۊ زەۊ"، رەسیە نزیکەی 10 جار ئەوەنەی ئاستەیل باکگراوند سروشتی ئەرا ماوەیگ کورڵ.

 وەپای خوەنستنەگە، ئەو رۊداوە رخدارییگ تەندروسی دەسوەجێ لەبان سەرنشینەیل فرۆکەیل دروس نەکرد، وەلی توێژەرەیل هوشداری دان لە ئەگەر رۊداین کاریگەرییەیل گەوراتر لەماوەی زریانە خوەرەتاوییە تونەیل لە بانان.

 توێژەرەیل زریانە توومارکریایەگە لە ساڵ 2025 وەراورد کردن وەگەرد تونترین رۊداو ناسیاگ لەی جۊرە، کە لە ساڵ 1956 رۊ دا، و دەسنشان کردن ئەرا ئەوەگ رۊداو 2025 لە نزیکەی 2% لە هاز زریان 1956 رەد نەکرد، لە وەختیگ رۊداوە میژوویيەگە توانای بەرزەوکردن تاقەیل تیشکداین داشت کە بڕیگ لە فرۆکەیل وەرەوڕۊی بوون ئەرا زیاتر لە 100 جار ئەوەنەی ئاستەیل ئاسایی.

 کاریگەری چالاکی خوەرەتاوی تەنیا لەبان تیشکداین نیەوەسێد، چۊنکە تەنۆلکە خاوەن هازە بەرزەیل تۊنن دزە بکەنە ناو پێکهاتە ئەلکترۆنییەیل و بوونە مدوو ئەوەگ وەپی وتیەێد "ئالووزییەیل رۊداوە تاکەیل"، کە دیاردەیگە شایەت بڕەسێدە ئاڵشتکارییگ وەختانە لە نرخ یەکیگ لە بتەیل لەناو میمۆری یا بازنە ئەلکترۆنییەیل.

 مۆدێلەیل تیم زانکۆی سری مەزەنە کردن کە ریژەی ئی ئاڵووزییەیل تۊنست لەماوەی لۊتکەی زریان تشرین دۊەم 2025 بڕەسێدە نزیکەی 60 هەڵە لە سەعاتیگ ئەرا هەر گێگابایتیگ لە میمۆری، و دووپات کردن کە ئی شمارەیلە مەزەنەکریاگن و لە ئەنجام مۆدێلکردن دەرچگنە و پەککەفتنیگ نین کە وە شیوەیگ کردەیی لەناو فرۆکەیل چەودیاری کریاۊن.

 گەشتە ئاسمانییەیل لە نزیک ناوچە جەمسەرییەیل فرەتر وەرەوڕۊ تەنۆلکە خاوەن هازە بەرزەیل بوونەو، وە مدوو داوەزین ئاست ئەو مقیەتیکردنە کە بوار موگناتیسی ئەرا زەۊ دابینی کەێد لەلای کڕەیل پانی بەرز، کە یەیش هیلێد گەشتە بڕەرەیل ئەرا ناوچە جەمسەرییەیل بوونە جی گرنگیدان تایبەت لەوەخت خوەنستن کاریگەرییەیل زریانە خوەرەتاوییەیل.

 توێژەرەیل دووپات کردن کە ئی رخداریەیلە وە واتای هەوەجەی وەسانن گەشتە ئاسمانییەیل لەوەخت رۊداین چالاکی خوەرەتاوی نیەتیەێد، بەڵکم هەوەجەی پەرەپیداین سیستەمەیل وردتر ئەرا چەودیاریکردن کەشوهەوای بۆشایی و پێشبینیکردن وە کاریگەرییەیلی دەرخەێد، وە جۊریگ گاڵ کۆمپانیایەیل فرۆکەوانی و لایەنە پەیوەندیدارەیل بەێد ئەرا هەڵسەنگاندن رخباریەیل و وەرگردن رێکارە گونجیاگەیل.

]]> Mon, 17 Aug 2026 06:51:23 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B1%D8%AF%D9%85-%D8%B1-%D8%A7-%D9%88%D8%A7%D8%B2-%D9%84-%D8%AE%D9%88%D8%A7%D8%B1%D8%AF%D9%86-%D9%88%D9%88%D8%B4%D8%AA-%D8%B3-%D8%AA-%D8%A7%D8%B1%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B1%D8%AF%D9%85-%D8%B1-%D8%A7-%D9%88%D8%A7%D8%B2-%D9%84-%D8%AE%D9%88%D8%A7%D8%B1%D8%AF%D9%86-%D9%88%D9%88%D8%B4%D8%AA-%D8%B3-%D8%AA-%D8%A7%D8%B1%D9%86 مەردم کۆریا واز لە خواردن گووشت سەگ تیارن

شەفەق نیوز- سئۆل

کۆریای باشوور ئامادەکاری کەێد ئەرا کووتاییهاوردن وە بازرگانی گووشت سەگ وە شیوەیگ تەواو لە شوبات 2027ەو، دۊای دەیان ساڵ لە مشتومڕ لەباوەت ئی کارە کە وە شیوەیگ نەریتی گریەدریاگ بۊ وە رووژەیل گەرم تاوسان، لە ناو وازهاوردن گەورەیگ لە خواردی و ئاڵشتنی تەمەشاكردن مەردم ئەرا خواردن سەگ و وەکارهاوردن گووشتەیلی.

 لە تاوسان 2026، کە نوێنەرایەتی دۊایین تاوسان کەێد وەرجە چگن وەرەو قەیەغەکردن گشتگیر ئەرا بوار جیوەجیکردن، دیمەنەیل ئی بازرگانییە جیاوازتر لە گوزەشتە دەرکەفتن، و وە تایبەت لە بازاڕ مۆران لە شار سۆنجنام، کە وە یەکیگ لە دیارترین سەنتەرەیل بازرگانی گووشت سەگ لە وڵاتەگە هەژمار کریاد.

 جۊلە لە بازاڕەگە وە شیوەیگ دیار کەمەو بوی، لە وەختیگ فرەی دوکان و چێشتخانە تایبەتمەنەیل دەرەيلیان بەسان یا ئاڵشت بۊن ئەرا پیشکەشکردن خواردنەیل ترەک، لەناویانیش شلەی گووشت بزن سییە، وەگەرد مەنیەن شمارەیگ کەم لە وەتەمەنەیل کە هێمان سەردان شوینەگە کەن ئەرا مینەکردن خواردنەیلیگ کە گریەدریانە وە یادگارییە کۊنەیلیان.

 ئی ئاڵشتيە دۊای داوەزیان پلە وە پلە لە ەەکارهاوردن گووشت سەگ تیەێد، کە پاڵنەرەگەی ئاڵشتنی هەڵوێستە کۆمەڵایەتییەیل و بەرزەوبۊن هوشیارییە وە مافەیل ئاژەڵ، کە راپرسیەیل نشان دەن کە زیاتر لە 90 لە سەد کۆریەیل نیاز خواردن گووشت سەگ لە ئایندە نەیرن.

 پەرلەمان کۆریای باشوور لە کانوون دۊیەم 2024 یاساییگ پەسەن کردۊد کە قەیەغەی خواردن سەگ و سەربڕینی و بەشەوکردن گووشتەیلی و فرووشتنی ئەرا خواردن کەێد، وەگەرد داین مووڵەت سێ ساڵ وە کارکەرەیل ئی کەرتە ئەرا پاکتاوکردن کارەیلیان وەرجە دەسکردن وە جیوەجیکردن قەیەغەگە وە شیوەیگ تەواو.

 کاریگەری یاساگە رەسیە هەزاران دامەزراوەی گریەدریاگ وە ئی بازرگانییە، کە زیاتر لە 5600 دامەزراو گردەو، لەناویانیش کێڵگە و چێشتخانە و دوکانەیل، لە وەختیگ فرەی کێڵگەیل سەگ دەرەیلیان بەسان وەرجە رەسین مەوقەی کووتایی.

 وەگەرد ئەوەگ قەیەغەگە پشتیوانییگ فراوان لەناو کۆریای باشوور وەدەس تیەرێد، وەلی کووتاییهاوردن وە ئی کارە هەستەیل جیاجیایگ دروس کەێد لەناوەین ئەوانەگ وە گامیگ دۊنن کە ئاڵشتنی کۆمەڵگە نیشان دەێد و مقیەتییکردن ئاژەڵەیل خەسەو کەێد، و لەناوەین کەسەیل ترەک کە وە جویر بەشیگ لە نەریتیگ کۊن تەماشای کەن کە لەبڕیان نزیکەو بوود.

]]> Sat, 15 Aug 2026 08:23:25 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B3-%D9%88-%D8%A7%D9%85-%D8%A7%D8%B1-%D8%B1-%D8%AF-%D8%A7-%D9%88%D9%88-%D8%A8%D8%A7%D9%88-%D8%A8%D8%A7%D8%B3-%D9%88%D8%A7%D8%B2%D9%87%D8%A7%D9%88%D8%B1%D8%AF%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B3-%D9%88-%D8%A7%D9%85-%D8%A7%D8%B1-%D8%B1-%D8%AF-%D8%A7-%D9%88%D9%88-%D8%A8%D8%A7%D9%88-%D8%A8%D8%A7%D8%B3-%D9%88%D8%A7%D8%B2%D9%87%D8%A7%D9%88%D8%B1%D8%AF%D9%86-%D8%AF مێسی وە پەیامیگ کاریگەر دۊای کووچ باوگی باس وازهاوردن کەێد

شەفەق نیوز- وەدۊاچگن

ئەسارەی ئەرجەنتینی لیۆنێل مێسی باس لە خەفەت قۊلی کرد دۊای مردن باوگی، لە پەیامیگ کاریگەر کە لە هەژمار فەرمی خوەی لە "ئینستاگرام" بڵاوی کردەو، وەگەرد گلەوداین هەسەیل لەدەسدان و ئازاریگ کە لەی ماوەی سەختە ژیەێد.

 مێسی باس لە سەختی قبوولکردن کووچ باوگی کرد، و دووپات کرد کە دیارنەمانی کەل گەورەیگ لە ژیانی هیشتگەسە جی، و هۊرەکردن لە ندین دووارەی تاڵ دیارە و فامستنی سەختە. قسەیل مێسی کاردانەوەیگ فراوان لە ناو شوینکەفتگەيلی دروس کرد، وە تایبەت وەگەرد ئەوەگ لەلی فامیا لە نشانەیل ئەرا گام خاتگ لە کاروان تووپانی دەێد، لە ناو گومانەیل لەباوەت ئەگەر نزیکبۊن کووتایی ریەەی لەناو یاریگەیل.

پەیام سەرکردەی هەڵوژاردەی ئەرجەنتین ئاڵشت بۊ ئەرا مەوقەیگ مرۆیی کاریگەر، دۊای ئەوەگ لایەن سووز مێسی دەرکەفت دۊر لە کەشوهەوای بازیکردن و دەسکەفتە وەرزشییەیل، لە ماڵئاواییگ کە فرەیگ لە پەژارە و سپاسگوزاری ئەرا باوگی هەڵگردۊد.

]]> Wed, 12 Aug 2026 14:33:44 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85%D8%A7%D8%B3-%D9%86-%D8%AE%D8%B4-%D8%B4-%D8%AF-%D8%B1%D8%A7-%D8%AF%D8%B1%D9%88%D8%B3-%D8%B1%D8%AF%D9%86-%D9%88%D8%B1%D8%A7%D8%AA%D8%B1-%D9%86-%D8%A7%D8%B1-%D9%84-%D8%AC-%D9%87%D8%A7%D9%86-%D9%88-%D8%A8-%D8%B1%D9%87-%D9%85%D9%87%D8%A7%D9%88%D8%B1%D8%AF%D9%86-120-%D9%85%D9%84-%D8%A7%D8%B1-%D8%AF-%D9%84%D8%A7%D8%B1 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85%D8%A7%D8%B3-%D9%86-%D8%AE%D8%B4-%D8%B4-%D8%AF-%D8%B1%D8%A7-%D8%AF%D8%B1%D9%88%D8%B3-%D8%B1%D8%AF%D9%86-%D9%88%D8%B1%D8%A7%D8%AA%D8%B1-%D9%86-%D8%A7%D8%B1-%D9%84-%D8%AC-%D9%87%D8%A7%D9%86-%D9%88-%D8%A8-%D8%B1%D9%87-%D9%85%D9%87%D8%A7%D9%88%D8%B1%D8%AF%D9%86-120-%D9%85%D9%84-%D8%A7%D8%B1-%D8%AF-%D9%84%D8%A7%D8%B1 ماسک نەخشە کێشێد ئەرا دروسکردن گەوراترین کارگەی چیپ لە جەهان وە بەرهەمهاوردن 120 ملیار دۆلار

شەفەق نیوز- وەدۊاچگن

ملیاردێر ئەمریکی ئیلۆن ماسک نەخشە کیشێد ئەرا دروسکردن کارگەیگ گەپ ئەرا بەرهەمهاوردن نیمچەئەسنەیل لە ویلایەت تەکساس، وە رووبەریگ کە رەسێدە 9.3 ملیۆن مەتر چوارگووشە، لە پرۆژەیگ کە هەردوگ کۆمپانیای "تێسلا" و "سپەیس ئێکس" گرەو لەبانی کەن ئەرا پڕەوکردن هەوەجەی رووژوەرووژ زیاتربۊیان لە چیپەیل و توانایەیل ژمێرکاری گریەدریاگ وە زیرەکی دەسکرد.

هەردوگ کۆمپانیای "تێسلا" و "سپەیس ئێکس" نیاز دیرن کارگەی "تێرافاب" لە کەرت گرایمز لە ویلایەت تەکساس دروس بکەن، تا لەژیر یەک قەواسەی پرۆسەیل دروستردن چیپەیل و پارچەیل هویرگە، لەشان پیچانن پیشکەفتگ و تاقیکردن گردەو بکەێد.

 وەپای زانیارییە سەرەتاییەیل، بەهای بەرهەمهاوردن لە قۆناغ یەکەم لە پرۆژەگە رەسێدە زیاتر لە 16.8 ملیار دۆلار، وەگەرد چەوەڕیکردنەیل وە ئەوەگ بەهای پرۆژەگە هەگ تەواو بوود بڕەسێدە نزیکەی 120 ملیار دۆلار، لە وەختیگ نزیکەی 3 هەزار دەرفەت کار دابین کەێد.

 ماسک، لە بڵاوکریاییگ لەبان سەکوو "ئێکس"، وت، کە هەردوگ کۆمپانیاگەی ئامادەکاری کەن ئەرا دەسکرن وە دروسکردن "گەوراترین پرۆژە ئەرا دروسکردن چیپەیل"، کە ناوەین لۆژیک و هویرگە و پیچانن پیشکەفتگ لەژێر یەک خانگ گردەو کەێد، وە ئامانج بەرهەمهاوردن چیپەیل زیرەکی دەسکرد لەبان ئاستیگ فراوان ئەرا وەکارهاوردنەیل زەمینی و ئاسمانی.

پرۆژەی "تێرافاب" لەبان رووبەریگ دریژەو بوود کە رەسێدە نزیکەی 9.3 ملیۆن مەتر چوارگووشە، یانی ئەوەگ یەکسانە وە زیاتر لە 100 ملیۆن پای چوارگووشە، کە ئەگەر جیوەجی بوود، وە جیاوازییگ فرە گەوراتر بوود لە ناوەند "نیو سینچری گڵۆباڵ سەنتەر" لە شار چێنگدۆی چینی، کە رووبەرەگەی رەسێدە نزیکەی 1.76 ملیۆن مەتر چوارگووشە.

 یەیش رووبەر دامەزراوەگەی ماسک زیاتر لە پەنج ئەوەنەی رووبەر بینا چینیەگە بوود کە وە یەکیگ لە گەوراترین بینایەیل لە جەهان هەژمار کریەێد.

تەمەیل پرۆژەگە تەنیا لەبان دروسکردن چیپەیل نووسیاس، کە ئامانج رەسین وە توانایگ بەرهەمهاور دیرێد کە بتۊنێد پاڵپشتی زیاتر لە یەک تێراوات لە هاز ژمێرکاری ساڵانە بکەێد، ئەرا دابینکردن هەوەجەی کۆمپانیایەیل ماسک کە رووژوەرووژ زیاتر بوون لە چارەسەرکەرەیل و توانایەیل ژمێرکاری.

 چەوەڕی کریەێد ئەو چیپەیلە کە لە کارگەگە بەرهەم تیەن لە ماشینەیل "تێسلا" وەکار باریەن، وەگەرد رۆبۆتەیل "ئۆپتیمۆس"، و ژیرخان ژمێرکاری و ئاسمانی سەر وە "سپەیس ئێکس".

 پرۆژەگە لە وەختیگ تیەێد کە هەوەجەی کۆمپانیایەیل تەکنەلۆژیا ئەرا نیمچەڕەسنەیل فرەو بوود، وەگەرد ئەو بازدان زویوەزویە کە لە بەرنامەیل زیرەکی دەسکرد و ماشینەیل خوەیئاژوو و رۆبۆتەیل دیرن.

 کۆمپانیایەیل ماسک لەڕی "تێرافاب" تەقەلا دەن پشت بەسانیان وە دابینکەرەیل چیپەیل دەیشتەکی کەمەو بکەن، و کۆنتڕۆڵیگ گەوراتر بەنە گرووپەگە لەبان زنجیرەی بەرهەمهاوردن، لە دەسکردن وە دروسکردن پارچەیل تا رەسێدە پیچانن و تاقیکردن.

 ئی تەواوکارییە، لە ئەگەر سەرکەفتنی، تۊنێد توانایگ گەوراتر بەێدە کۆمپانیایەیل ماسک ئەرا کۆنتڕۆڵکردن لەبان خەرج بەرهەمهاوردن و زنجیرەیل دابینکردن، لەشان کەمەوکردن رخبارییەیل کەموکوڵی لە چیپەیل یا ئاڵووزییەیل دابینکردن.

 ماڵپەڕەگە توانای بەرهەمهاوردن ئایندەیی ئەرا پرۆژەگە بەسێدەو وە نەخشەیل فراوانتر کە بەرهەمهاوردن ئەوەگ رەسێدە ملیۆنیگ رۆبۆت لە جۊر "تێسلا ئۆپتیمۆس" لەخوەی گرێد، وەگەرد رەوانەکردن ئەوەگ رەسێدە 10 ملیۆن تەن لە کاڵا ئەرا ئاسمان ساڵانە، لەشان زیاتر لە یەک تێراوات لە وزەی خوەر.

 "سپەیس ئێکس" نیاز تەیرێد تەواو خەرج پرۆژەگە وە تەنیا بگرێدە خوەی، چۊنکە کۆمپانیای "تێرافاب" هەشت داواکاری پیشکەش کردگە ئەرا وەرگردن هاندەرەیل باجی ئەرا دوو ناوچەی فێرکاری ناوخۆیی، لەناو بەرنامەی "تیجی" لە تەکساس.

 کۆمپانیاگە تەقەلا دەێد، لەڕی داواکارییەیلەو، بنەمای ئەو بەها دیاری بکەێد کە وەپای ئەو ریژەیگ لە باجەیل ماڵداری مەکتەوی ئەرا ماوەی دە ساڵ لە هەر گامیگ لە گامەیل پرۆژەگە هەژمار کریەێد.

 کۆمپانیاگە دیاری کرد کە نەوین ئی هاندەرەیل شایەت بوودە مدوو داوەزیان داهات لەبان بەرهەمهاوردن لە کەمترین ئاست داواکریاگ،  وتیش کە ویلایەتەیل رکابەر، لەناویان ئەریزۆنا، شایەت مەرجەیل ئابووری گونجیاگتر پیشکەش بکەن.

 وەپای داواکارییە پیشکەشکریاگەیل، دەس نەکەفتن ئی هاندەرەیلە تۊنست گاڵ کۆمپانیاگەو بیەێد ئەرا ئاڵشتکردن پرۆژەگە ئەرا دەیشت تەکساس.

لە وەرانوەر ئەوە، دەسەڵاتەیل ویلایەتەگە ئامادەیی خوەیان ئەرا پشتیوانیکردن پرۆژەگە نیشان دان، چۊنکە تەکساس وەخششیگ وە بەهای 30 ملیۆن دۆلار لە سندووق تەکساس ئەرا پرۆژەیل دا وە کۆمپانیای "سپەیس ئێکس".

 دوسەڵاتدار ویلایەتەگە وت کە تەکساس "ئەو شوینەس کە هۊرە گەورەیل لەناوی گەشە کەن تا گەوراتر بوون"، و باس "تێرافاب" وە دامەزراوەیگ بیوینە کرد کە تۊنێد بەرهەمهاوردن چیپە ئەلکترۆنییەیل زویترەو بکەێد و هەزاران کار دابین بکەێد.

 پرۆژەی "تێرافاب" لە سای پشت بەسانن پیشەسازی تەکنەلۆژیای ناودەوڵەتی وە شمارەیگ دیاریکریاگ لە کۆمپانیایەیل و ناوچە جوگرافییەیل لە بەرهەمهاوردن نیمچەڕەسنەیل تیەێد، و لە سەرەتایان کۆمپانیایەیل ئاسیایی.

 کۆمپانیایەیل ماسک گرەو لەبان ئەوە کەن کە بەرهەمهاوردن چیپەیل وە ناوخۆیی توانایگ گەوراتر وەپیان دەێد ئەرا رۊوەڕۊبۊن ئاڵووزییەیل دابینکردن ناودەوڵەتی، وە تایبەت وەگەرد بەرزەوبۊن داواکاری لەبان ئەو چارەسەرکەرەیلە کە لە زیرەکی دەسکرد و رۆبۆتەیل و ماشینەیل و سیستەمەیل ئاسمانی وەکار تیەن.

 وە یەوە "تێرافاب" تەنیا کارگەیگ نوو لەناو سامانەیل "تێسلا" و "سپەیس ئێکس" نوێنەرایەتی نیەکێد، بەڵکم تەقەلایگە ئەرا دروسکردن بەشیگ بنەڕەتی لە ژیرخان ژمێرکاری کە ئیمپراتۆریەت ماسک لەماوەی ساڵەیل ئایندە هەوەجەی دیرێد، وەگەرد هاوردن بەشیگ فرە لە زنجیرەی دروسکردن چیپەیل ئەرا ناو ویلایەتە یەکگرتگەیل.

]]> Wed, 12 Aug 2026 10:34:21 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%A8%D8%A7%D9%86-%D8%AA-%D9%86%D8%AF%D8%B1%D9%88%D8%B3-%D8%AF-%D8%AA-%D8%AF-%D9%87%D9%86%D8%A7-%D8%B1%D9%88%D9%88-%D8%A7%D9%86-%D9%86%D8%A7%D9%86-%D8%AE%D9%88-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%88-%D8%A8%D8%A7%D9%86-%D8%AA-%D9%86%D8%AF%D8%B1%D9%88%D8%B3-%D8%AF-%D8%AA-%D8%AF-%D9%87%D9%86%D8%A7-%D8%B1%D9%88%D9%88-%D8%A7%D9%86-%D9%86%D8%A7%D9%86-%D8%AE%D9%88-%D8%AF ‏چە وەبان تەندروسی دڵ تێد هنای رووژانە نان خوەێد؟

شەفەق نیوز ـ وەدویاچگن

‏نان دوژمن تەندروسی دڵ نییە، بەڵکم هاتێ بوودە بەشیگ لە سیستەم خوەراکی تەندروس ئەگەر وە وریایی هەڵوژێریەێد، وەتایوەت ئەگەر نان دانەوێڵەیل تەواو یا نان خەوێر ترش بوود.

‏وەپای باوەتیگ ماڵپەڕ " eremnews"، شارەزایەیل خوەراک دووپاتکەن دانەوێلەی تەوا پشتگیری تەندروسی دڵ و لویلەیل خوین کەێد، هاتێ خەویرترش دەسمیەتیدەر بوود لە داوەزانن پەستان خوین و کەمکردن رخداری تویشهاتن وە بیماری دەمارە خوینبەرەیل، یەیش تا رادەیگ گلەوخوەد ئەرا ئەوەگ دانەوێلەی تەواو دەسمیەتیدەر داوەزانن ئاست کۆلیسترۆل دەێد.

‏زیایکردن دانەوێلە ئەرا ناو سیستەم خوەراکی یەکیگە لە گرنگترین تەمەێل ئەرا پاراستن تەندروسی دڵ، وە مدوو ئەو وەلیفەتەیلە پیشکەش کەێد کە ئیانەن:

1. ‏دانەوێڵەی تەواو بڕ زیاتریگ لە ڕیشاڵ هاتێ   بەراورد وە دانەوێڵەی هاڕیاگ و پاڵیاگ، ڕیشاڵ وە توخمیگ سەرەکی دانرێد ئەرا پاراستن تەندروسی دڵ.

2. ‏ نان دانەوێلەی تەواو هاتێ دەسمیەتیدەر بوود لە پاراستن کێشیگ تەندروس، چوینکە ریشال هیلێد ماوەی فرەیگ هەس وە تیری بکەێد.

‏هەرچەن وەلیفەتەیل تەندروسیدارەیل دانەوێلەی تەواو شوین پرسیار هەڵنیەگرێد باوجی بەڵگەیگیش نییە بچەسپنێد خواردن نان چەرمگ لەوەختیگ ئەرا وەختیگ تر کاریگەری نەرێنی تەندروسی دروس بکەێد، باوجی دیاریکرێد ئەگەر زیایچگن نەکرێد ئەوە زەردیگ لیوا نەیرێد هویر لەلیکریاوێد. 

‏

‏

‏

]]> Mon, 10 Aug 2026 09:09:13 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85%D8%A7-%D8%B1%D9%85-%D9%88%D8%B1%D8%A7%D9%86-%D9%84-%D8%AA-%D9%84-%D8%B1-%D8%B3%D9%88-%D9%81%D8%AA-%D9%84%D8%A7%D9%88-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85%D8%A7-%D8%B1%D9%85-%D9%88%D8%B1%D8%A7%D9%86-%D9%84-%D8%AA-%D9%84-%D8%B1-%D8%B3%D9%88-%D9%81%D8%AA-%D9%84%D8%A7%D9%88-%D8%AF ماڵ چەرمگ گورانیەیل تەیلۆر سویفت لاوەێد

شەفەق نیوز- واشنتۆن 

بڕیگ لە گورانیەیل خانمە گورانیچڕ ئەمریکی تەیلۆر سویفت لە پارچەیل ڤیدیۆیی بڵاوکریای هەڵمەت سەرۆک ئەمریکی دۆناڵد ترمب و کۆشک چەرمگ لەبان ماڵپەڕەیل پەیوەندی کۆمەڵایەتی لاوریا، دۊای وەکارهاوردن دوو گورانی ئەرا ئەسارەگە لەماوەی هەفتەی گوزەشتە.

 ئاژانس "رۆیتەرز" وت کە هەڵمەتەگە دوو گورانی سویفت لە بڵاوکریایەیل لە ری هەژمارەگەی لەبان سەکوو "تیک تۆک" وەکار هاورد، وەرجە لاوردن گورانیەیل لە بڕیگ پارچە ڤیدیۆ، لە وەختیگ ماڵ چەرمگ یا نوێنەریگ لە گورانیچڕەگە وەڵام داواکاریەیل لێدوان نەیانە.

وەکارهاوردن گورانیەیل سویفت لە بڵاوکریایەیل خاوەن سروشت سیاسی هات، چۊنکە یەکیگ لە پارچە ڤیدیۆیەیل دەسکاری ناونیشان و وشەیل شمارەیگ لە گورانیەیلی کرد ئەرا رەخنەگردن لە سیاسەتەیل وەڕێوەبەرایەتی سەرۆک وەرین جۆ بایدن و جیگرەگەی کامالا هاریس، وەگەرد لێدوانداین لەبان دۆسیەیل کووچبەرەیل و سنوورە باشوورییەیل ویلایەتە یەکگرتگەیل.

 یەکیگ لە پارچە ڤیدیۆیەیل نیشانەیل ئەرا ئەلبوم سویفت "رێد" لەخوەی گرد، وەگەرد بەسانن ناونیشانەگەی وە ئەو رەنگە کە گریەدریاس وە حزب کۆماری، وەگەرد وەکارهاوردن ناونیشان گورانیەیل ترەک جۊر "گشت چشتیگ ئاڵشت بۊ" و "هەرگیز وەیەکەو نیەتیەمنەو" لەناو لێدوانەیل سیاسی رەخنەی هەنەکی.

 سویفت لەماوەی هەڵوژاردنە سەرۆکایەتییەیل ئەمریکی ساڵ 2024 پشتیوانی خوەی ئەرا هاریس راگەیانیۊد، و وەرجەیەیش لەماوەی هەڵمەتە هەڵوژاردنەگەی لە 2020 رەخنە لە ترمب گردۊد، کە یەیش هیشت پەیوەندی ناوەین هەردوو لایەنەگە بوودە جی گرژی سیاسی دووبارەبۊ.

 ترمب وەڵام پشتگیریکردن سویفت ئەرا هاریس دادەو وە رەخنەگردن لەلی وە ئاشکرا، و دۊای ئەوە گلەو خوارد ئەرا پەلامارداینی لە ری ئامرازەیل پەیوەندی کۆمەڵایەتی.

 ناڕەزایەتییەیل تەنیا لەبان سویفت نەوین، کە دەیان هونەرمەن، لەناویان سابرینا کارپێنتەر و ئاریانا گراندێ، داوا لە وەڕێوەبەرایەتی ترمب کردن کە کارە مۆسیقیەیلیان لە بڵاوکریایەیلی وەکار نارێد.

]]> Sun, 09 Aug 2026 12:52:49 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B3-%D8%AA-%D8%B4-%D8%A7%D8%B1-%D8%B3%D8%A7%D8%AA-%D8%A8%D9%88%D9%88%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%85-%D8%B3-%D8%AA-%D8%B4-%D8%A7%D8%B1-%D8%B3%D8%A7%D8%AA-%D8%A8%D9%88%D9%88%D8%AF مێسی تۊش کارەساتیگ بوود

شەفەق نیوز- وەدۊاچگن

خۆرخێ مێسی، باوگ ئەسارەی ئەرجەنتینی لیۆنێل مێسی، لەناو یەکیگ لە خەسەخانەیل لە شار رۆزاریۆ لە ئەرجەنتین، دۊای ناڵانن وەدەس بيمارييگ دریژماوە گیان لەدەسدا، وەپای ئەوەگ ماڵپەڕ "ئینفۆبای" خەوەر دایە.

خۆرخێ مێسی، کە پیاو کار و بریکار کارەیل کوڕەگەی و کاپتن هەڵوژاردی ئەرجەنتینە، یەکیگ لە دیارترین پشتیوانەیل کاروان وەرزشی مێسی هەژمار کریەێد، چۊنکە لە سەرەتایەیلەو رۆڵیگ گرنگ دییە لە وەڕێوەبردن کارەیلی لە دەیشت یاریگا.

 خۆرخێ مێسی وە دۊرکەفتنی لە تیشکەیل کامێرا ناسریا بۊ، وەگەرد ئامادەبۊن هەمیشەیی لە ژیان کوڕەگەی، وە جۊریگ فرە کەم لێدوان راگەیانن دایە، و تەنیا بڕی کردۊد وە رۆڵ پشتیوان بیدەنگ، و وەدۊاچگن ئەرا دەسکەفتەیل کوڕەگەی و پیرووزکردنیان لەناو چوارچیوەی خیزان.

]]> Sat, 08 Aug 2026 12:15:17 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7%D8%A8%D8%B1%D8%A7-%D8%AF%D8%A7%D9%88%D8%A7-%D8%AF-%D9%87-%D8%B4%D8%AA-%D9%85%D9%84-%D8%A7%D8%B1-%D8%B3-%D9%84-%D9%88-%D8%AE%D8%AA-%D8%A8%D8%AF-%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7%D8%A8%D8%B1%D8%A7-%D8%AF%D8%A7%D9%88%D8%A7-%D8%AF-%D9%87-%D8%B4%D8%AA-%D9%85%D9%84-%D8%A7%D8%B1-%D8%B3-%D9%84-%D9%88-%D8%AE%D8%AA-%D8%A8%D8%AF-%D9%86 ‏کابرایگ داوا کەێد هەشت ملیار کەس لە یەک وەخت چەپڵە بیەن

‏شەفەق نیوز ـ وەدویاچگن

‏رووژ چەپڵەدان جیهانی بزوتنەوە جیهانییگە لە تووڕە کۆمەڵایەتیل کە بڕیارە لە 16 ئاب 2026 وەڕیوەبچوود.

‏لەی رویداوە داوا لە مەردم سەرتاسەر جیهان کرێد لە وەختیگ دیاریکریاگ ساعەت 10:00 وە وەخت  نیویۆرک تەنیا ماوەی یەک چرکە وە هاوبەشی چەپلە بدەن.

‏ئامانج لە چالاکیەگە دویرە لە هەر ئایدۆلۆژیاگ سیاسی یا ئایینی، و تەنیا جویر هێمایگ جیهانییە ئەرا بەرزدانان مرۆڤایەتی و یەکگرتگیی.

‏ بزووتنەوەگە لە کۆتایی ساڵ 2025 وەلایەن ئەندریا بیچیس لە لەندەن دامەزریاس و لە بان سۆشیال میدیا جویر تیکتۆک و ئینستاگرام دەنگدانەوەی گەپیگ داشت.

‏

]]> Wed, 05 Aug 2026 17:40:51 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%87-%D9%86%D8%AF%D8%A7-%D9%88-%D9%88%D8%B1-%D8%AA%D8%B1-%D9%86-%D8%AE%D9%88-%D8%B1-%D8%B1%D8%A7%D9%86-%D8%AF-%D9%88-%D8%A7%D8%AA-%D9%84-%D8%B3%D8%A7-1999-%D9%88-%D9%88-%D8%AE%D9%88-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D9%87-%D9%86%D8%AF%D8%A7-%D9%88-%D9%88%D8%B1-%D8%AA%D8%B1-%D9%86-%D8%AE%D9%88-%D8%B1-%D8%B1%D8%A7%D9%86-%D8%AF-%D9%88-%D8%A7%D8%AA-%D9%84-%D8%B3%D8%A7-1999-%D9%88-%D9%88-%D8%AE%D9%88-%D8%AF ‏هۆڵەندا چەوەڕی گەورەترین خوەرگیران کەێد کە وڵاتەگە لە ساڵ 1999ەو وەخوەی دیە

شەفەق نیوز ـ وەدویاچگن

‏دانیشتگەیل هۆڵەندا، لە ئیوارەی 12ی ئاب ئیرنگە، چەوەڕێی نوڕینە گەورەترین خوەرگیران کەن کە وڵاتەگە لە ساڵ 1999ەو وەخوەی دیەسێ.

‏لە فرەی ناوچەیل جیهان ئی ڕویداوە ئاسارەناسیە  دیاری کرێد، خوەرگیرانەگە وە شێوەی بەشیگ دەرەکەفێد، باوجی لە هۆڵەندا، رێژەی پوشیان خوەر ڕەسێدە نزیکەی 90% لەو بەروارە دیاریکریاگە.

‏چەوەڕێ کرێد ئێ دیاردە  نزیکەی دوو سەعات وەردەوامبوود، کە خوەر لە سەعات 19:16 وە وەخت ناوچەیی (20:16 وە وەحت بەغدا) دەسکەێد وە شاریان پلەوەپلە لەپشت مانگ، و خوەرگیرانەگە دویای نزیکەی سەعاتیگ لە دەسوەپیکردنی ڕەسێدە لوتکه.

‏خوەرگیران ئەو وەختە رویدەێد کە مانگ ڕاستەوخۆ لە ناوەین خوەر و زەوی ڕەد بوود، و سای خوەی فڕەدەێدە بان هەسارەگەمان لە کەمەربەندیگ تەنگ، و ئێ دیاردە بوودە مدووی ئاڵشتبوین ئەلاجویگ، کە پلەیل گەرمی داوەزن، و سایەیل وە گۆشەی ناوازە دیار کەفن، و ئاساییە بەشیگ لە گیاندارەیل بچنە ناو خەو جویر شەو.

‏ئێ دیمەن ئەڵاجویە لای  شارستانیەتەیل کوەن باوڕیان وەی بوی کە خوەرگیران شومییگ يا پەیامیگ لە پەروەردگارەیل بویە، باوجی زانست ئیرنگە پەردە لە بان لاوەێد و رووشنی کەێد کە تەنیا "رێکەفتیگ گەردوونییە".

‏دویای ئێ دیاردە لە 13ی ئاب، دیاردەی کەفتنەخوار شەهابەیل "پەرشاوی"یش ڕەسێدە لوتکە، کە چەوەڕێ کرێد دانیشتگەیل زەوی بتوەنن لە سەعاتی بوڕنە نزیکەی 100 شەهاب، کە ئیە  یەکیگ لە دیارترین رشیان شەهابەیل لە درویژایی ساڵە.

‏یەیش هاووەخت بوود وەرد دیارکەفتن شش هەسارە لە ئاسمان، کە ئەوانیش: نپتۆن، زوحەل، ئۆرانۆس، مەریخ، عەتارد، و جۆپیتەر (موشتەری)، هاووەخت مانگ‌گیرانیگ نیمەیی لە شەوەکی 28ی ئاب رویدەێد، و ئێ دیاردە وە شێوەی نیمەیی لە بەشیگ لە ناوچەیل ڕوسیا دیار بوود.

‏

‏

]]> Tue, 04 Aug 2026 09:04:25 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%A7-%D8%A8%D8%A7%D9%84%D9%88-%D9%87-%D9%88-%D8%AC-%D9%88-%D8%AF-%D8%AA-%D8%B1-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%A7-%D8%A7-%D8%A8%D8%A7%D9%84%D9%88-%D9%87-%D9%88-%D8%AC-%D9%88-%D8%AF-%D8%AA-%D8%B1-%D8%AF ‏ئایا بالوکە هەوەجە وە دکتۆر کەێد؟

‏شەفەق نیوز ـ وەدویاچگن

‏بالوکە بریتیە ئەوزەڵکردن بی زەرەد پووس کە وە ڤایرۆس  (HPV) دروسبوود.

‏وەپای خەوەریگ ماڵپەڕ"healthline"، فرەیگ لە بالوکەیل وە مدوو سیستەم وەرگیری قایم لەش لە دویای دوو ساڵ خوەیان لەناوچن، باوجی هاتێ لەری چارەسەر ناوماڵ یا رێکار پزیشکیچارەسەر بکریەن.

‏چارەسەرەیل ناو ماڵ پێکتێد لە وەکارهاوردن ترشە دەرمانەیل جویر سۆدیۆم یا ترش سالیسیلیک  (Salicylic Acid) وە رێژەی 17٪ تا 40٪ کە هەوەجە کەێد وەرجە وەکارهاوردنی بالوکەگە لە ئاو گەرم دابنرێد تا نەرمەوبوود و پووسە مردگەگە بکەنرێد.

‏باوجی ئەگەر چارەسەر نەوی خاسترە سەردان پزیشک بکرێد تا چارەسەر پێویستی بکەێد.

‏

‏

]]> Sun, 02 Aug 2026 15:48:34 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF%D8%A7%D8%B1-%D8%AF-%D8%B3-%D8%B1%D8%AF-%D9%87-%D8%B2%D8%A7%D8%B1-%D8%B3%D8%A7-%D8%A7-%D8%B1-%D8%A7 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AF%D8%A7%D8%B1-%D8%AF-%D8%B3-%D8%B1%D8%AF-%D9%87-%D8%B2%D8%A7%D8%B1-%D8%B3%D8%A7-%D8%A7-%D8%B1-%D8%A7 ‏دار دەسکردیگ 476 هەزار ساڵ پەیاکریا

شەفەق نيوز- وەدویاچگن 

‏شوینەوارناسەیل لە ناوچەی تافاوەیل  کالمبۆ لە زامبیا پێکهاتەیی داریی دەسکردیگ پەیاکردنە کە تەمەنی وەلای کەم گلەوخوەێد ئەرا  476,000 ساڵ گوزەشتە، پەیش کوەنترین پێکهاتی داریە تا ئیرنگە لە جەهان پەیاکروێد.

‏ وەپای خەوەریگ ماڵپەڕ"popularmechanics"، ئی پەیاکردنە، لە دوو کوتە دار بڕیاگ دروسبویە کە لەڕی ئامراز سەنگی شیوە وەپی دریاس وە شیواز زانستیگ وەگەرد یەک بەسیانە وە یەیش ئەوەگ رەدکەێد کە ئایەمەیل سەرەتایی تەنیا سەنگ وەکارهاوردنە. 

‏وە مدوو ئەوەگ تەمە ئێ پێکهاتە فرە کوەنترە لە کوەنترین وە سانگبوی ئایەم  هۆمۆ ساپیێنس (کە 300,000 ساڵە)، تا ئیسە رووشن نییە چ جویرەئایەمیگ ئێ کارە ئەنجام دایە.

‏ مەنن دارەگە تا ئێ سەردەمە ئەرا ژیر خوەڵ و سان چەمەیل چوود کە نواگیری  لە رەسین ئۆکسجین کردیە ئەرای پرتگیانی.

‏

‏

]]> Sat, 01 Aug 2026 15:04:30 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B4%D8%A7%D9%85-%D8%A7-%D8%A7-%D8%A7%D9%85-%D8%A7%D9%86-%D8%B1%D8%A7-%D8%B4-%D8%B1-%D8%AE%D9%88-%D9%86-%D8%AE%D8%A7%D8%B3%D8%AA%D8%B1 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B4%D8%A7%D9%85-%D8%A7-%D8%A7-%D8%A7%D9%85-%D8%A7%D9%86-%D8%B1%D8%A7-%D8%B4-%D8%B1-%D8%AE%D9%88-%D9%86-%D8%AE%D8%A7%D8%B3%D8%AA%D8%B1 ‏شامی یا کاڵەک کامیان ئەرا شەکرەی خوین خاسترە؟

‏شەفەق نیوز ـ وەدویاچگن

‏شامی و کالەک هەردوگیان میوەی پڕ وەلیفەتیگن و پوڕیانە ئەرا پاراستن ئاست شەکرەی خوین، باوجی کاڵەک بڕ کەمیگ ها لەنوا وە مدوو ئەوەگ رێژەی فایبەر لەناوی دوو ئەوەنەس. 

‏خاڵەیل سەرەکی بەراوردکردن هەردووگ میوە:

‏شامی:  91٪ پێکهاتەی ئاوە و نزیکەی 11 گرام کاربۆهیدرات هاناوی لە یەک پارچە، هەرچەنە پۆلێن پەیمانەی شەکرەی (GI) بەرزترە، باوجی وە مدوو فرەیی ئاوەگەی کاریگەری لە بەرزەوکردن شەکرەکەمترە هەمیش دەوڵەمەنە وە  دژەئۆکسێنی لایکۆپین (Lycopen) کە دەسمیەتی هەستیاریی ئینسۆلین و کەمکردن هەوکردن دەێد.

‏کاڵەک: پێکهاتەگەی 93٪ ئاوە و 12 گرام کاربۆهیدرات وەگەرد 1.5 گرام فایبەر هاناوی لە یەک پارچە، فایبەر و ئاوەگەی هووکارن ئەرا یەواشکردن پرۆسەی هەرەس و رگری لە بەرزەوبوین لەناکاو شەکر خوین، هەمیش بڕ فرەیگ ڤیتامین  C هاناوی کە دەسمیەتی میتابۆلیزم گلوکۆز دەێد.

‏پسپۆرەیل خوەراک پێشنیار کەن تا نواگیری لە بەرزەوبوین شەکرە بکرێد بڕ خواردنیان لە یەک لوز زیاتر نەود وەرد خوەراک دەوڵەمەن وە  پروپێن یا چەوریی تەندروس (جویر ماس، خا، یا چەرەسات) بخورێد تا پرۆسەی هەڵمژین شەکر یەواشتر بوود.

]]> Thu, 30 Jul 2026 14:04:58 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2%D8%A7%D9%86%D8%A7-%D9%84-1500-%D8%B4%D8%AA-%D9%88%D8%B3-%D8%A7-%D9%84-%D9%87%D9%88%D8%B1%D9%85%D8%B2-%D8%B1%D8%AE%D8%AF%D8%A7%D8%B1-%D9%86-%D9%87-%D8%B1%D9%86-%D9%87-%D8%B4-%D9%84-%D8%AF-%D8%B1-%D8%A7-%D9%84-%D8%AC-%D9%87%D8%A7%D9%86-%D8%AF https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2%D8%A7%D9%86%D8%A7-%D9%84-1500-%D8%B4%D8%AA-%D9%88%D8%B3-%D8%A7-%D9%84-%D9%87%D9%88%D8%B1%D9%85%D8%B2-%D8%B1%D8%AE%D8%AF%D8%A7%D8%B1-%D9%86-%D9%87-%D8%B1%D9%86-%D9%87-%D8%B4-%D9%84-%D8%AF-%D8%B1-%D8%A7-%D9%84-%D8%AC-%D9%87%D8%A7%D9%86-%D8%AF زانایەیل: 1500 کەشتی وسیای لە هورمز رخدارییگ ژینگەیی هەڵگرن کە هەڕەشە لە دەریایەیل جەهان کەێد

شەفەق نیوز - وەشۊنکەفتن

بەسیان گەروو هورمز لە چەن مانگیگەو رخدارییگ ژینگەیی درەس کردگە کە لیکەفتە ئابووری و بازرگانییەیلی رەد کەێد، دۊای ئەوەگ توێژەرەیل هوشداری دان لە ئەگەر ئاڵشتبۊینی ئەرا دەروازەیگ ئەرا بڵاوبۊین جۊرەیل دەریایی داگیرکەر لە گشت جەهان، لەوەر مەنیین زیاتر لە 1500 کەشتی بازرگانی گیرخواردگ لە ناوچەگە ئەرا ماوەیگ دریژ.

 تیمیگ ناودەوڵەتی لە زانایەیل زیندەوەرە دەریاییەیل وت کە وەردەوامبۊین وسیان کەشتییەیل لە ئاوەیل کەنداو دەرفەت گەشەکردن و زایین وە زیندەوەرە دەریاییەیل داگە لەبان پەیکەرەیلیان، کە هاتێ ببوودە مدوو رەسینیان ئەرا بەندەرەیل دەوڵەتەیل جەهان دەسوەجی دۊای دەسکردنەوەی وە جویلەی دەریاوانی و بازرگانی دەریایی.

 لە وەخت بەسیان رێڕەو ئاوییە ستراتیژییەگە دۊای جەنگ ئەمریکی - ئیسرائیلی لەبان ئیران، زیاتر لە 1500 کەشتی بازرگانی لە ناوچەگە گیر خواردنە، ئەو کارە کە ژینگەیگ گونجیاگ فەراهەم کرد ئەرا گردەوبوین جۊرەیل جیاجیای زیندەوەرە دەریاییەیل، لە میکرۆب و قەوزەو بگر تا رەسێدە قەپۊڵکە پێوەلیقیاگەیل و بیبڕبڕەیل ترەک.

 توێژینەوەگە ئی رەوشە دادە قەڵەم وە ئەوەگ کە شایەت ئاڵشت بوود ئەرا "رۊیداویگ گاڵدەر ئەرا بڵاوکردن داگیرکاری بایۆلۆجی دەریایی"، و دووپات کرد کە جەهان وەرجەیە تویش شیویان لە جویلەی بارهەڵگری دەریایی نەۊیە کە بوودە مدوو مەنیین ئی شمارەی گەورە لە کەشتییەیل وە وسیاگی ئەرا ئی ماوەی دریژە.

وەپای توێژینەوەگە، کەشتییە بازرگانییەیل وە گشتی لە بەندەرەیل تەنیا یەک تا سی رووژ مینن، کە یەیش سنووردار گەشەکردن زیندەوەرەیل لەبان ئەو روویەیلە کە کەفتنەسە ژیر ئاو کەێد، وەلی مەنیین کەشتییە گیرخواردگەیل لە کەنداو وە جیگیری ئەرا چەن مانگیگ بەشداری کرد لە دروسبۊین گردەوبوین خەسیگ لەی زیندەوەرەیلە لەبان پەیکەرەیلیان.

 توێژەرەیل هوشداری دان لەوە کە دەرچگن ئی کەشتییەیلە لە وەختیگ کە هەڵگر برنقیل و قەوزە و زیندەوەران دەریای ترەک شایەت بوودە مدوو هاوردن جۊرەیل داگیرکەر ئەرا ناو ژینگەیل نوو، وە جۊریگ هەڕەشە لە جۊرە ناوخۆییەیل کەێد لەڕی رکابەرییان لەبان خوەراک و ماڵە سروشتییەیل، بیجگە لە ئەگەر بڵاوبوین بیمارییەیل و دروسکردن ئاڵشتکارییەیل هەمیشەیی لە سیستەمەیل ژینگەیی دەریایی.

 پڕۆفیسۆر ماریۆ تامبۆری، نویسەر سەرەکی توێژینەوەگە لە سەنتەر زانستەیل ژینگە لە زانکۆی ماریلاند، وت کە رەسین زیندەوەرەیل لە ناوچەیگەو ئەرا ناوچەیگ ترەک شایەت بوودە مدوو داوەزیان فرەجۊری بایۆلۆجی لەو ناوچەیلە کە داگیری کەن، و هاتێ ببوودە مدوو لەناوچگن ناوخۆیی ئەرا بڕیگ لەو جۊرەیلە کە نەتۊەنن بەجەریان بکەن.

 زیای کرد کە جۊرە داگیرکەرەیل تەنیا هەڕەشە لە ژینگەی دەریایی نیەکەن، بەڵکم شایەت زەرەدەیل گەورەیگ وە راوگەیل ماسی بڕەسنن و بوونە مدوو بەسیان سیستەمەیل سەردەوکردن لە وێستگەیل وزە، بیجگە لەوەگ دەوڵەتەیل ساڵانە ملیارەها دۆلار زەرەد کەن ئەرا کۆنترۆڵکردن و وەڕێوەبردنیان.

 توێژەرەیل دەسنشان کەن کە کەنداو وە راسییش یەکیگ لە شوینە گەرمەیل ئەرا داگیرکارییە دەریاییەیل ئەژمار کریەێد، کە توێژینەوەیل وەرین دەرخستنە کە دەیان جۊر ناناوخۆیی هەن کە لەڕی کەشتییە بازرگانییەیلەو هاتنەسە ناو ناوچەگە، و فتراق خستنە بان ئەوە کە بەرزەوبۊن پلەیل گەرما و ئاستەیل نمەک لە ئاوەیل کەنداو توانا و هاز گەورەترێگ دەێدە ئی زیندەوەرەیلە ئەرا مەنیین و گونجیان.

 تامبۆری وتیش کە ئەو زیندەوەرەیلە کە توانای هەڵگردن رەوشە ژینگەییە سەختەیل فرە جار زیاتر توانای داگیرکردن ژینگە نوویەیل دیرن، و دیاری کرد کە ئەو ناوچەیلە کە رەوش کەشوهەوا و ژینگەییەیلیان وەگەرد کەنداو چۊ یەکن زیاترین ناوچەیلن کە تویش رخباریەیل چەوڕیکریاگ بوون.

 توێژینەوەگە هندستان و سەنگافوورە لەناو ئەو ناوچەیلە دادە قەڵەم کرد کە بایەسە دەسەڵاتەیلیان لە رەوش ئامادەباشی بوون ئەرا نواگیریکردن ئی رخباریە، و داوا لە حکومەتەیل و کۆمپانیایل بارهەڵگری کرد کە وەشکین و پاکەوکردن ئەرا کەشتییەیل بکەن وەرجە دەرچگنیان لە کەنداو هەر وەختیگ کە گونجیاگ بوود، بیجگە لە قایمکردن ریکارەیل چەودیاریکردن لەو بەندەرەیلە کە پیشوازییان کەن و دانان پلانەیل وەڵامداین زویوەزوی ئەرا چەودیاریکردن جۊرە داگیرکەرەیل و سنووردارکردن کاریگەرییەیلیان.

]]> Wed, 29 Jul 2026 15:16:14 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2%D8%A7%D9%86-%D8%A7-%D9%84-%D8%AF-%D8%B1%D9%85%D8%A7%D9%86-%D8%AF-%D8%B1-%D8%B1%D8%A7-%D8%A8-%D8%B4-%D9%84-%D9%84-%D8%B4-%D8%AF%D8%B1%D9%88%D8%B3-%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B2%D8%A7%D9%86-%D8%A7-%D9%84-%D8%AF-%D8%B1%D9%85%D8%A7%D9%86-%D8%AF-%D8%B1-%D8%B1%D8%A7-%D8%A8-%D8%B4-%D9%84-%D9%84-%D8%B4-%D8%AF%D8%B1%D9%88%D8%B3-%D9%86 ‏زانیایەیل دەرمان دژە پیری ئەرا بەشەیل لەش دروسکەن

‏شەفەق نیوز ـ وەدویاچن

‏تویژەرەیل زانکۆی نۆرس ئیستەرن و کۆلێژ پزیشکیی هارڤارد ریگەی نووگ ئەرا پەیاکردن دەرمان دژە پیری پەیاکردنە، لەناوەین زیاتر لە  6,000دەرمان وەردەس، دەرمان ئۆکسیمێتازۆلین (Oxymetazoline) یەکیگە لە سەرکەفتی ترین کاندیدەیل دەسنیشانکریاگ.

‏ ئێ دەرمانە لە بازاڕ جویر سپرای لویت ئەرا وازکردن لویتبەسیان و قەترەی چەو ئەرا سوورەوبوین چەو وەردەسە، توانای هەس پەیوەنی ناوەین بەشەیل خاستر بکەێد، کە وە رەدبوین وەخت لەرەوبوون.

‏توێژەرەیل وە دروسکردن نەخشەیگ جیناتی و  پرۆتینی کە پەیوەندیی وە نیشانەیل پیرییەو دیرێد، توەنستنە ئەو شوینە دیاریکریاگەیل لەش پەیابکەن کە دەرمانەیل توەنن کاریگەری لابانی دابنەێد ئەرا درویژکردن تەمەن تەندروسی ئایەم.

‏

]]> Tue, 28 Jul 2026 16:28:34 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B1-%D8%A8-%D8%AA-%D9%84-%D8%A7-%D9%85-%D8%B4%D9%88-%D9%86-%D9%84-%D9%85-%D8%B1%D8%AF%D9%85-%D8%AA-%D9%86-%D9%88-%D9%86-%D9%84-%D8%A8%D8%A7%D9%86-%D8%A7%D8%B1-%D9%84-%D9%84-%D8%A7%D8%B1-%D9%84-%D8%AC-%D9%87%D8%A7%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%B1-%D8%A8-%D8%AA-%D9%84-%D8%A7-%D9%85-%D8%B4%D9%88-%D9%86-%D9%84-%D9%85-%D8%B1%D8%AF%D9%85-%D8%AA-%D9%86-%D9%88-%D9%86-%D9%84-%D8%A8%D8%A7%D9%86-%D8%A7%D8%B1-%D9%84-%D9%84-%D8%A7%D8%B1-%D9%84-%D8%AC-%D9%87%D8%A7%D9%86 "رۆبۆتەیل ئایمی" شوین لە مەردم تەنگەو کەن لەبان کارەیل لە کارگەیل جیهان

شەفەق نیوز - وەشوینکەفتن 

کۆمپانیایلیگ جویر "Figure" و "Apptronik" و "NEURA Robotics"، لەبان کۆمپانیایل چینی جویر "Agibot" و "UBTECH" و "Unitree"، چگنەسە رکابەری دروسکردن رۆبۆتەیل ڕایمی، کە کار لەبان وەرەونوابردن نەوەیگ نوو لە ئامێرەیل کەن کە توانای جویلەی و یایگردن و جیوەجیکردن ئەرکەیل فرەیگ هەن.

 راپورتەیل نشان دا کە وەگەرد پیشکەفتن گەورە لە توانایەیل هووش دەسکرد و جویلە، شارەزایەیل کەرتەگە دوینن کە وەربەس سەرەکی لە وەرانوەر بڵاوبۊن رۆبۆتەیل ئایمی توانایا نیە ئەرا ئەنجامدان ئەرکەیل، بەڵکم دڵنیاکەرن لە بیوەیی لە وەخت کارکردن لە نزیک ئایەم.

 تا ئیسە پەیمانەیل بیوەیی تایبەت وە ئی جۊرە لە رۆبۆتەیل تەواو نییە، کە یەیش نیگەرانی لەلای کۆمپانیایل بیمە و لایەنە ڕێکخستنییەیل دروس کەێد، و لەوەر ئی هوکارە فرەی رۆبۆتەیل ئایمی ئیرنگە لە ناوچەیل جیاجیا لەناو کارگەیل یا لە پشت وەربەسەیل مقیەتیکردن بەرهەم تیەن، جویر لە کارکردن وە ئازادی لەشان کارمەندەیل.

وەگەرد ئەو پرۆپاگەندە گەورە لەبان رۆبۆتەیل مرۆیی، رۆبۆتە دەسکردە سەرەتاییەیل وەیزوی شوینیان نەوڕیەردەو، چوینکە ئامێرە تایبەتمەنەیل ئیسە خاوەن خێرایی و دڵنیایی و توانای جیوەجیکردن ئەرکەیل دیاریکریای کەن وە کارایی بەرزیگ.

 شارەزایەیل دوینن کە رۆبۆتەیل شیوەی ئایەم شوین خوەیان لە کارگەیل و ئەممارەیل و کەرت خزمەتگوزارییەیل پەیا کەن، وەلی فرەتر کار کەن وەکەرد سیستەمەیل ئیسە، و نەک جویر جیگریگ تەواو ئەرایان، و ئایندەی دەسکردی لەوە باوەڕە تیکەڵەیگ بوود ناوەین رۆبۆتەیل تایبەتمەن و رۆبۆتەیل تەنیا ئەرا مامەڵەکردن وە ئەركەیل نەرمتر.

 بڵاوبۊن رۆبۆتەیل مرۆیی نیگەرانییەیل زیاتریگ دروس کەێد لەبان ئایندەی کارەیل، وەتایبەت لەو کەرتەیلە که پشت وە کارەیل لەشی دووارە بەسەن، وەلی شایەت وینەگە ئاڵووزتر بوود؛ کە سەرکەفتن ئی تەکنەلۆژییە پشت وە توانای دەسکەفتن بەهای ئابووری راسگانی بەسێد، و نەک تەنیا لەبان توانا تەکنیکییەگەی.

 شیکەرەوەیل باوەڕ کەن که وەکارهاوردن یەکەم لە رۆبۆتەیل مرۆیی لە ئەرکەیل قورس یا دووارە یا ئەوانە بوود که کەمکاری لەناویانه، لە وەختیگ مرۆڤەیل وەردەوام بوون لە ئەنجامدان ئەو کارەیلە که هەوەجەی وە داهێنان و بڕیاردان و تیکەڵاوەیل ئاڵووز دیرن.

 وەردەوامبۊن لە پێشبڕکێ وەرەونوابردن رۆبۆتەیل مرۆیی، دیارە کە ئاڵشتکاری ئایندە لە دروسکاری یەواشەو بوود؛ جویر جیگردن کراکارەیل وە تەواوی، هاتی دەرکەفتن ژینگەی کارکردن هاوبەشیگ دروس بوود که ئایەم و ئامێر گردەو کەێد.

]]> Fri, 24 Jul 2026 04:23:02 +0000 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AE%D9%88-%D9%86-%D8%B4%D8%A7%D9%86%D8%AF%D8%A7%D9%86-%D8%B3-%D8%B3-%D8%B1-%D9%84-%D8%B2-%D8%AE%D9%85%D8%AF%D8%A7%D8%B1-296-%D8%B3-%D9%84-%D9%84-%D9%81-%D8%AF-%D9%84-%D9%87-%D9%86%D8%AF%D8%B3%D8%AA%D8%A7%D9%86 https://shafaq.com/ku/%D9%87%D9%87-%D9%85%D9%87-%DA%95%D9%87-%D9%86%DA%AF/%D8%AE%D9%88-%D9%86-%D8%B4%D8%A7%D9%86%D8%AF%D8%A7%D9%86-%D8%B3-%D8%B3-%D8%B1-%D9%84-%D8%B2-%D8%AE%D9%85%D8%AF%D8%A7%D8%B1-296-%D8%B3-%D9%84-%D9%84-%D9%81-%D8%AF-%D9%84-%D9%87-%D9%86%D8%AF%D8%B3%D8%AA%D8%A7%D9%86 ‏خوەنیشاندان سیسەرگەیل زەخمداری 296 کەس لەلیکەفێد لە هیندستان

‏شەفەق نیوز ـ نیودەلهی

‏لایەنگرەیل "بزوتنەوەی سیسەرگەیل" کە گەنجەیل لە هیندستان ڕێبەریی کەن، ئمڕوو سێشەممە، ڕاگەیانن  وەردەوامبوون لە خوەنیشاندانەیلیان  لە نیودلهی، و رەدیکەن شوین  مانگرتنەکەیان چووڵ بکەن، یەیش دویای رووژیگ لە وەکارهاوردن غازی ئەسرشن و  وەلایەن پۆلیسەوە ئەڕا وەڵاوەکردن هەزاران خوەنیشاندەر لە وەخت تەقەلادانیان ئەڕا وەڕێکەفتن وەرەو پەرلەمان.

‏سەدان خۆپشاندەر لە "جانتار مانتار" کە شوێیگ تایبەتە وە خۆپشاندان مانگردنە، لەژیر سای بەشداربوین فراوانی هێزە ئەمنییەیل، و دووپات کەن  ئامادە نین شوینەگە وەجیبیلن تا دەسکیشان وەزیر پەروەردە دارمێندرا پرادان، لەبان پیشینەی ئەوەگ شکست سیستم تاقیکردنەوەیل لە هیندستان وەسفی کردنە.

‏لای خوەیەو، دامەزرێنەر حزب "سیسەرکەیل"، ئەبهیجیت دیبکی کە تەنیا دوو مانگ وەرجە ئیسە دامەزریایە، وت: "لەبان خوەنیشاندان وەردەوام بویمن".

‏ئەی جویلە کە لە مانگ ئایار  گوزەشتە دەرکەفتگە، وەلایەن ملیۆنان کەسەو لە ری تووڕە کۆمەڵایەتییەیل پشتیوانی لێ کرێد.

‏ئاشوتۆش ڕانکا، یەکیگ لە وەرپرسەیل جویلەگە، لە پەیامیگ کە لە تووڕە کۆمەڵایەتییەیل بڵاو بوویە وت: "نەوسیایمنە. بایەد پرادان لەبان کار لابچوود".

‏پۆلیس دیاریکرد، وەلای کەم 178 کەس لە رویوەرویبوینەیل ناو خوەنیشاندانەیل و هێزەئەمنیەل لە نیودلهی زەخمداربوین.

‏هەمیش زیارتر لە 118 ئەندام لە هێزە ئەمنیەیل لە رویوەرویبوین وەرد خوەیشاندەرەیل زەخمداربوین.

‏

‏

‏

]]> Tue, 21 Jul 2026 18:19:58 +0000