ده‌خيل: ئازادكردن شه‌نگاڵ ته‌مام نادێ مه‌گه‌ر وه قورتاركردن ژنه ئێزيديه‌يل
2015-11-15T11:05:08+00:00
ده‌خيل له به‌ياننامه‌يگ ئه‌را(شه‌فه‌ق نيوز)وت: وه خوه‌شاڵيه‌و هه‌واڵ قاره‌مانێتى هيزه‌يل پێشمه‌رگه ژنه‌فتيم له ئازادكردن ناوه‌ند قه‌زاى شه‌نگاڵ له‌ژير ده‌سڵات داعش و داوا له گشت لايه‌نه‌يل ئه‌كه‌يم فيشتر هه‌وڵ بيه‌ن ئه‌را قورتاركردن ژن ومناڵه‌يلمان و هاوردنه‌وه‌يان ئه‌را ناو كه‌س وكاريان و خيزانه‌يليان، چوينكه ئازادكردن ئه‌و زوڵمليكرياگه‌يله ته‌مامبوين ئازادكردن شه‌نگاڵه.
جى باسه، ده‌خيل داوايش له حكومه‌ت ناوه‌ندى و حكومه‌ت هه‌رێم كوردستان تيمه‌يل تايبه‌تمه‌ند ره‌وانه بكه‌ن ئه‌را ده‌رخستن قه‌وره‌يل وه‌جه‌م له ده‌ورگرد شه‌نگاڵ و ناوخود شاره‌گه وه‌ل كلكردن مادده‌يل خوارده‌مه‌نى ئه‌را ئه‌و هه‌زاران خيزانه ك له كويه‌ى شه‌نگاڵ جيگير بوينه.
