له‌ئاكام ژيرئاو كه‌فتن به‌له‌ميگ 63 كه‌س خنكيان
2018-07-03T08:07:00+00:00
شه‌فه‌ق نيوز/ ده‌رياوانى ليبى ئاشكراى قورتاركردن 41 كووچكه‌ر ناياسايى و بيسه‌روشوون بوين 63 كه‌س تر له‌ئاكام ژيرئاوكه‌فتن به‌له‌ميگ له كناراوه‌يل ليبى له‌وه‌خت جيوازكردنيان.
له‌ى باوه‌ته‌و، بڕيگ له‌و كووچكه‌ره‌يله ك قورتاريان بويه له‌و روێداگه له كناراوه‌يل قه‌ره‌بولى ك ئه‌كه‌فێده خوه‌رهه‌ڵات ترابلوس، باس له‌وه كردن ك وه‌لاى كه‌مه‌و ئه‌و به‌له‌مه 104 كه‌س له‌تى بويه، يه‌يش ماناى ئه‌وه‌سه شماره‌ى خنكياگه‌يل 63 كه‌سه.
جى باسه، وه‌ل ئى خنكيان تازه، شماره‌ى ئه‌و كووچكه‌ره‌يل خنكياگه ره‌سيه 170 له ده‌رياى ناوڕاس له ناونى رووژ جومعه تا رووژ سێشه‌ممه.
