تەهران هەڕەشەی ئیسرائیل دەێد وە " هیلێدەی ئەرا ژیان نەگونجێد" لەماوەی "ساعەتیگ"
شەفەق نیوز - تەهران
سەرۆک کۆمسیۆن ئەمنی نەتەوەیی لە پەرلەمان ئیرانی، ئیبراهیم عەزیزی، ئمڕوو یەکشەممە، هەڕەشە ئیسرائیل کرد وە "نەپوڕیاگکردن ئەرا ژیان" لەماوەی کەمتر لە ساعەتیگ، لە پسایگ ئیران دووچار هەر کاریگ بوود کە ئامانج لەلی ئەمنی یا بەرژەوەندییەیل نەتەوەیی بوود.
عەزیزی، لە بڵاوکراوەیگ وە زوان عیبری لە بان سەکۆی "ئێکس"، نویسانیە کە "کردن زەویەیل داگیرکریاگ وە نەپوڕیاگ ئەرا ژیان زیاتر لە ساعەتیگ وەپێنیەکیشێد"، لە پسایگ رویدان هەر کاریگ دژ وە ئەمن ئیران و بەرژەوەندییەیل نەتەوەیی.
وەرپرس ئیرانی نەخشەیگ بڵاو کرد و دەسنیشان ژیرخانەیل لە ئیسرائیل کردیە، وە هاووەخت وەگەرد هەڕەشەیلی.
ئێ هەڵوێستە هاووەخت تێد وەگەرد دووپاتکردن سەرۆک ئەمریکا دۆناڵد ترەمپ لە، ئیوارەی دویەکە شەممە، لە ئەگەر ئه‌نجامدان پەلاماریگ وە بان ئیران ئمڕوو یەکشەممە، کە وت: "ئەگەریگ هەس کە پەلاماریگ ئەرا بان ئیران ئەنجام بەیەن، و ئەگەریگ ترەک کە وەگەردی بڕەسیمن ئەرا رێکەفتنیگ گەورە و خاس".
دیاری کرد "هویر لە ئەنجامدان پەلامار ئەرا بان ئیران کەین و هاتێ سوو ئی کارە رویدەێد باوجی وەخت هەر مەشقیگ سەربازی رێکارکریاگ ئاشکرا نیەکەم، و دڵنیا نیم لەوەگ ئایا ئیران رێککەفتنیگ واژوو کەێد یا نە باوجی لە هەردوو حاڵەتەگە سەرکەفتن دەسەوەر کەین".
لەپسای، سەرۆک ئەرکان سوپای ئیران، و فەرماندەی بارەگای "خاتم ئەلئەنبیا"ی ناوەنی، لیوا عەلی عەبدوڵڵاهی، دویەکە شەممە، دووپات کرد هێزەیل چەکدار ئیرانی رێگە نیەدەن وە کەشتیەیل ئەمریکی ئەرا بەشداریبوین لە کەنداو، و دووپات کرد لەوەگ واشنتۆن نەتوینێد ئاوەیل ناوچەگە وەکار بارید ئەرا هەڕەشەکردن ئیران لە نوو کە بوودە مدوو شیویان.
