لهناونى خوان عبادى و شام حهكيم.. سهردان بارزانى خهريتهى تازهيگ كيشا له عراق
![لهناونى خوان عبادى و شام حهكيم.. سهردان بارزانى خهريتهى تازهيگ كيشا له عراق](https://media.shafaq.com/media/archive/files/Archive.jpg)
بارزانى ك دهمهو شهوهكى رووژ پهنجشهممه رهسيه بهغدا، دهسكرده ديدار وهل حهيدهر عبادى سهرۆك وهزيرهيل ك نان نيمهڕوو وهيهكهو خواردن و ئهرا شام ئيوارهيش وهل عهمار حهكيم سهركردهى ئهنجومهن باڵاى ئسلامى گردهو بوى وه ئامادهبوين سهركردهيليگ له هاوپهيمان نيشتمانى، ك لهناونى خوان عبادى و شام حهكيم ئهوه بوى بازرانى چهوى كهفته فوئاد مهعسوم سهرۆك كۆمار و ليژنهى سياسى رهوت سهدرى و نوێنهرهيل ئئتلاف نيشتمانى وه سهرۆكايهتى ئهياد عهلاوى و لهههمان وهخت بازرانى ديدار وهل سهليم جبورى سهرۆك پهرلهمان نهكرد لهئاكام لاوردن هۆشيار زێبارى وهزير دارايى و ديداريش وهل نورى مالكى سهركرهى ئئتلاف دهوڵهت ياسا نهكرد.
وهلێ ئوسامه نوجێفى سهركردهى ئئتلاف متهحدون جوور ئهوهگ سهرچهوهيگ نزيك لهلى شهرقولئهوسهت ئاگادار كرد، داوا له بارزانى كرد ك شام وهيهكهو بخوهن وهل خوهى و شانده ياورهگهى له ماڵهگهى، وهلێ بارزانى ئاگادارى كرد لهوهختيگ شام له ماڵى ئهكا موسڵ ئازاد بكريهێد، ك يهيش لهيوا كرد ههرسێ سهركرده عههد وهل خوهيانا بكهن كار وهيهكهو بكهن ئهرا ئازادكردن موسڵ وه گورجترين وهخت.
ئمجا وهل ئهو شيواز فهرمى سهردانه، بارزانى مكوڕ بوى ك ديدارهيلى وهل لايهنهيل جياجياو هيزهيل سياسى بدێ له بهغدا وه بهشدارى گشت ئهندامهيل شانده ياوهرهگهى ك بريگ له كهسهيل سهر وه لايهنهيل تر ناوخود ههرێم كوردستانيش لهتيان بوى، وهلێ ئهو رهسينهوهيله ك بارزانى وهپى رهسى وهل عبادى له مهسهلهى مووچهى كارمهندهيل ههرێم و ريككهفتن نهفتى و كيشهيل تر ناونى بهغداو ههولێر جوور ئهوهگ ئهمير كنانى سهركرهى پايهبهرز له رهوت سهدرى ئاماژه وهپى كرد ئهچێده بتهوكردن بنهمايهيل ريككهفتنهيل تازه.
له كۆنگرهى رووژنامهگهرى هاوبهش ك لهلايهن عبادى و بارزانى ساز كريا، ههردوگلا لهتى باس له پهيام خاسيگ كردن و عبادى ئاشكراى پشتگيريكردن حوكم مهركهزى كرد له عراق و لايهنگرى سهقامگيرى سياسى له ههرێم كوردستانيش كرد.
وهلێ ئيجاره بارزانى دويرتر چى له مهسهلهگه لهوهختيگ ك باس له سهروهخوهيى ههرێم كوردستان كرد جوور كيشهيگ چارهنويسساز وه نسبهت ئهرا خوهى و مللهت كورد وه رهزامهنى بهغدا، ك يهيش جوور ئاڵشتكارى تازهو يهكلاكهريگ له وتار بارزانى ك فريهجار بهغدا جوور وتاريگ بيلايهن تماشاى كردياد.
وهلێ دياره ئهياد عهلاوى سهركردهى ئئتلاف نيشتمانى فيشتر مكوڕه لهبان بنياتناين هاوپهيمانييگ تازهى سياسى وهل پارت ديموكرات كوردستان وه سهرۆكايهتى بارزانى و رهوت سهدرى وه سهرۆكايهتى موقتهدا سهدر و ئهنجومهن باڵا وه سهرۆكايهتى عهمار حهكيم، ك يهيش له ديدار شاند ئئتلاف نيشتمانى باس كريا وهل سهرۆك ههرێم له بهغدا و ههر يهك له ئهمير كنانى سهركرده له رهوت سهدرى و فادى شهمهرى له ئهنجومهن باڵا مكوڕ بوين لهبان دويرگرتن لهى مهسهله وهشيوهيگ ئاشكرا، يهيش وه شايهتى وجوود كار تازهو خهريتهى تازهيگ.
كنانى ئهندام ليژنهى سياسى رهوت سهدرى ك بهشدارى له ديدار بارزانى كرد وهل شاند ئهو ليژنه، وت: رهوت سهدرى ههر له سهرهتا باوهڕ ئهوه بويه ك داوڕيان وهل كورد نادروسه، ك يهيش بارزانى باس لهلى كرد و جهخت لهوه كردگه ك پهيوهندى وهل سهدريهيل سهركهفتگهو ئهتويهنێد وهليانا بڕهسێدهو وه وهردهوام و مكوڕ بوون لهبان ئى پهيوهنديه.
كنانى يهيش دهرخست و وت: بارزانى مهيل ديدار سهركردهيل سياسييش ديرێد لهوانهيش سهيد موقتهدا سهدر له نهجهف، وهلێ ئى ليژنه دامهزريا ئهرا ديدار وهلياو تهوهرهيل فريهيگيش وهليا باس كرديم له بارهى پهيوهنديهيل ناونى بهغدا و ههولێر و بار ناوخوهيى ههرێم و داوايش لهلى كرديم كيشهيلى وهل لايهنهيل تر ناوخود ههرێم چارهسهر بكا چوينكه كاريگهرى لهبان ئيمهيش ديرێد له بهغداو ههميش مهسهلهى نهفت و مووچهو جهنگ موسڵيش تاوتوى كرديم وهليا.
كنانى وت: بارزانى باس يهيش ئهرامان كرد ك ناڵنێد وهدهس كيشهى زيايبوين كووچبهرهيل لهساى نهوين دهسميهت و پيشبينى كرد ك فيشتر له 700 ههزار كهس له موسڵهو كووچ بكهن وهرهو كوردستان وهل دهسوهپيكردن جهنگهيل.
لهلايهن خوهييشهو، فادى شهمهرى سهركرده له ئهنجومهن باڵاى ئسلامى وه گهشبينيهو ئهرا شهرقولئهوسهت باس له ديدار بارزانى وهل عهمار حهكيم سهركردهى ئهنجومهن باڵا كرد ك نزيكهى چوار سهعات دريژه داشتگه وه ئامادهبوين سهركردهيل هاوپهيمان نيشتمانى.
شهمهرى باس له گرينگى ديدار ناونى بارزانى و حهكيم كرد و وت: ئهو ديداره ماوهى فريهيگ داشتگه و فيشتر له ديدارهيل تر له شكانن وهربهس لهوهردهم مهسهلهى پهيوهندى ناونى بهغدا و ههولێر ك جى گرينگيه، يهيش بيجگه ئهوهگ ههردوگلا باس له هاوپهيمانى مێژوويى شيعه - كورد و گرينگى زينگهوكردنى كردن لهنوو وه گوورهى ئهو مهزڵوميهته ك هاته تويش ههردوگلا وه دريژايى دهيان ساڵ له رووژگار.