سەرۆک هەرێم کوردستان رێنمایی دەێد وە وازکردن لێکۆڵینەوەیگ لە لیکەفتەیل لافاوەیل هەولێر
شەفەق نیوز - هەولێر
نێچیرڤان بارزانی، سەرۆک هەرێم کوردستان ئمڕوو یەکشەممە، رێنمایی دا وە وازکردن لێکۆڵینەوەیگ لە لیکەفتەیل ئەو لافاوەیلە کە دانە ناو هەولێر.
یەیش لە پەیوەندییگ تەلەفۆنی هات وەرد ئومێد خۆشناو، پارێزگار هەولێر، کە لەناوی وەدۊاچگن لیکەفتەیل ئەو لافاوەیلە کرد کە شار هەولێر دۊشەو وەخوەی دی، و هەمیش باس لە قەوارەی زیانەیلی کرد، وە تایبەت ئەوانەگ کە رەسینە هاووڵاتییەیل.
لە شان دەربڕین دڵنەوایی و پیشکەشکردن سەرەخوەشی ئەرا خیزان و کەسەیل قوربانییەیل لافاوەیل، سەرۆک هەرێم کوردستان رێنمایی دا وە پارێزگار هەولێر و لایەنە پەیوەندیدارەیل وە پیشکەشکردن گشت شیوەیەیل دەسمیەتی و پاڵپشتی هەوەجەدار ئەرا زیانلیکەفتگەیل و کارەساتبارەیل، و جیوەجیکردن گامە هەوەجەدارەیل ئەرا چارەسەرکردن شوینەوارەیل ئی لافاوەیلە.
لەلای خوەیەو، پارێزگار هەولێر، کوڵەباسیگ لەباوەت وەرەونواچگنەیل رەوشەگە، و قەوارەی زیانەیل، و ریکارەیل گیریاگەوەر پیشکەش کرد، وە پیشکەشکردن سوپاس و پیزانین خوەی ئەرا سەرۆک هەرێم کوردستان لەبان وەدۊاچگن و گرنگیپیداین وەردەوامی وە رەوش هاووڵاتییەیل و زیانلیکەفتگەیل.
