عه‌بدولكه‌ریم ٠٠٠ نه‌مر؛ له‌ده‌س چگ
ئه‌وه‌گ بتوایگ ئه‌و یه‌كگرتن ئه‌ڵاجه‌یوه له‌یه‌كه‌و بیه‌یگ ك له مێژووعراق تازه ئه‌نجام گرتگه دیونیگ هوكاره‌یل فه‌ره‌یگ بیونه‌سه بایس ئه‌وه‌گ ئی هێزه‌یله له‌یه‌ك نزیكه‌و بوون وهاوكاری وه‌ل یه‌ك بكه‌ن ئه‌را ره‌سین وه ئامانجیان ك ئه‌ویش رمانن وله ناوبردن ده‌سه‌ڵات عه‌بدولكه‌ریم قاسم بیو وه‌هه‌رقیمه‌تیگ . ئه‌وحزب ولایه‌نه‌یله ك له‌شیون عه‌بدولكه‌ریم قاسم له ناونی خوه‌یان شیویان وناكوكی كه‌فته به‌ینیان وئیه‌كه ئه‌وه‌كه له مه‌یدان دیوره‌وخست تاخوه‌ی ده‌سه‌لات بگریگه‌ده‌س ؛ نه‌تیوه‌نستن ئه‌وشیونه‌وارنیشتمانپه‌روه‌ریه ك عه‌بدولكه‌ریم له‌دل خاسترین روله‌یل عراق كالیه‌ی بسرنه‌و ؛ هه‌ر وه‌وجوره‌گ ئه‌وهیزه‌یله نه‌تیوه‌نستن نیشتمانپه‌روه‌ری ونیشتماندوسی عه‌بدولكه‌ریم له‌كه‌داربكه‌ن . یه‌یش له وه‌ختیگه میژوو راسیه‌یل فه‌ره‌یگ له‌باوه‌ت خیانه‌ت وسه‌رچه‌مانن زورم ئه‌وهیزه‌یله له وراوه‌ردوژمنه‌یل عراق ئاشكرا كردو فه‌ره له‌وانه‌گ وه‌كینه‌و دلپیسی دژایه‌تی عه‌بدولكه‌ریم قاسم كردن دیواخرله كرده‌وه‌و ره‌فتارخوه‌یان په‌شیمانه‌وبیون وئعتراف وه‌و خساره‌ته‌یله كردن ك له‌ئاكام دوژمنی وه‌ل كه‌سایه‌تییگ نیشتمانپه‌روه‌ر جورعه‌بدولكه‌ریم وه‌پییان ره‌سی . عه‌بدولكه‌ریم قاسمیش جورهه‌رئایمیگ له‌ی ئایمه‌یله دوچارغه‌له‌ت وهه‌لویسته‌یل نادروس بیووله كارنامه‌ی ئه‌و٣ ساله له ده‌سه‌لاته‌گه‌ی توماركریا ؛ وه‌لی یه نه‌بایه‌د بیواتاگه بیانگیگ ئه‌را دوژمنه‌یلی تاوه‌ل هیزه‌یل دارده‌س بیگانه ده‌س بكه‌نه یه‌ك وتاوان گه‌ورای تروركردن یائغتیال عه‌بدولكه‌ریم قاسم جیوه‌جی بكه‌ن ؛ ئه‌و تاوانه ك عه‌بدولكه‌ریم قاسم وهاوریه‌یلی وه‌شانازی وسه‌ربه‌رزی نیوسیاو ئه‌را ئایم كوژه‌یلی ك له باره‌گای رادیوی عراق له شه‌وه‌كی ٩ شوبات ١٩٦٣ له‌ده‌وریه‌كتری گرده‌وبیون وه‌پیلان وره‌فتار نامه‌ردانه له كارنامه‌ی سیاسیان نیوسریا . به‌لی هیزه‌یل گومرا وسه‌روه‌بیگانه ك له‌ئه‌نجام شورش ١٤ ته‌موزشیون خوه‌یان له‌ناوجه‌ماوه‌رله ده‌س دان وبه‌رژه‌وه‌ندییان كه‌فته خه‌ته‌ر؛ ناچاربیون یه‌كبگرن ئه‌را وسیان له‌وه‌راوه‌رشورش ١٤ی ته‌موزوله‌باربردن شورشه‌گه له ساله‌یل یه‌كم سه‌ركه‌فتنی .
