دویاخسن خەرجکردن مووچەی خانەنشینەیل ئەرا دووشەممە لە چەوەڕوی ئاگاداری کلکردن

شەفەق نیوز - بەغداد

سەرچەوەیگ ئاگادار، ئیوارەی ئمڕوو یەکشەممە، خەوەر دا لە خەرجنەکردن مووچەی خانەنشینەیل ئەرا مانگ تشرینی دوویەم/ نۆڤەمبەر تا ئیسە، وەگەرد راگەیانن دەسەی خانەنشینی نیشتمانی لە تەواوکردن رێکارەیل بەرزەوکردن مووچەیل، وتیش خەرجکردن شایستەیل دارایی هێمان بەسیاس وە رەسین ئاگاداری کلکردن پویل هەوەجەکریاگ.

 سەرچەوەگە، لە قسەیلی ئەرا ئاژانس شەفەق نیوز وت: ئەگەر دویاخسنی پرۆسەی خەرجکردنەگە ئەرا سوو دووشەممە هەس، لە ئەنجام کەمی نەختینەی کاش دارایی و تەواونەبوین رێکارەیل کلکردن.

وتیش؛  وەخت خەرجکردن بەسیاگە وە  ئاگاداری کلکردن پویل و تەواوکردن رێکارەیل ئیداری و دارایی هەوەجەکریاگ ئەرا دەسوەپیکردن خەرجکردن مووچەیل.