پنلۆپه كرۆز له‌يه‌‌ولا، هه‌رساڵ ته‌نيا يه‌ك فيم بازى ئه‌كا
هساره ويكى كريستينا بارشلۆناو ژنه‌ى خاوير باردم له مانگ ژانڤيه‌ى ساڵ 2011 ئه‌را يه‌كم جار بوينه خاوه‌ن كوڕى و ناوێ نان(لئو). ئه‌ى خانم ئه‌كته‌ره ك خه‌ڵات ئوسكاريش گرتيه، چه‌ن مانگ دوياى په‌يا بوين مناڵه‌گه‌ى، وه ده‌رهاروه‌رى ڤودى ئه‌لن فيلم كۆميدى- رۆمانتيك(ره‌و ئه‌شق) بازى كرد.
فيلم تر پنلۆپه كروز ئه‌مساڵ له سينه‌مايل جه‌هان بڵاوه بوى و خوه‌ى وه يه‌يا دگان ئه‌نێد ك ئه‌گه‌ر هه‌رسال يه‌ك يا ده فيلم بازى بكا، به‌سه‌و مه‌يل و ئشقێ وه فيلم بازى كردنه تيره ئه‌دێ و خاسترين وه‌خته‌يل و رووژه‌يل ژيانێ ئه‌و وه‌خته‌سه ك ها وه‌ل خانه‌واده‌ى خوه‌ياو له لوى ده‌ريا وه‌ل يه‌ك قه‌ده‌م ئه‌يه‌ن.
ئمجا وه مه‌جله‌ى هارپرز ئێژێ: شايه‌د هه‌ر ساڵ ته‌نيا له يه‌ك فيلم يا دو فيلم به‌شدارى بكه‌م، وه‌لى فێشتر له‌يه نيه، چوين ك م كاره‌يل گرنگتر له ناو ژيانم ديرم.
ئه‌ى ژن و شويه بڕێ جار له ئسپانيا، جى له داڵگ بوين پنلۆپه ژيان كه‌ن و بڕێ وه‌ختيش ئه‌را ئه‌نجامدان كاره‌يل پێشه‌يى ك ديرن چنه لۆس ئه‌نجلس، وه‌لى ئه‌ى ئه‌كته‌ره ته‌قلا ئه‌كا ك كوڕه‌ى فره له كاليفۆڕنيا نه‌مێنێد.
پنلۆپه ئويشێ: ئيرنگه هناى ئه‌يامه لۆس ئه‌نجلس دى بێگانه نيم و يادگاره‌يل فره‌ى له‌تێ ديرم. بڕێ له‌ى يادگاريه‌يله فره‌خاسن و بڕێ له‌ليان ئه‌وقه‌ره بويشێد خوه‌ش نين.
من ده‌مه‌يل فره ره‌ينێ له‌ى شاره برده‌مه‌سه‌و سه‌ر، وه‌لى خوه‌شم ناياد له‌تێ ژيان بكه‌م و حه‌ز ناكه‌م كوڕه‌م له‌تێ ژيان بكا./ش
