ره‌يحانا هه‌وه‌جه‌ى وه پياو نيه!
2012-04-14T08:55:07+00:00
ئه‌را په‌ياكردن ئشق خوه‌يان فره هه‌ڵه‌په‌ڵه به‌ن و خوه‌يان بخه‌نه ناو مه‌ينه‌تى، چوين ك ئه‌ى رويدايه وه‌ختێ روى ئه‌دا ك هويچ وه‌خت چه‌وه‌رێ نه‌وينه.
ره‌يحانا وتيه: ئه‌وچنه ك دياره، به‌ش گه‌وراى له وه‌خت شادى و ره‌ينى ژيان هه‌ر كه‌سێ ئه‌و وه‌خته‌سه ك ئاشق بوودو وه‌ل ئشق ژيان ئه‌كا، وه‌لى يه‌كم بايه‌د ئه‌ى خوه‌شيه له ناو خوه‌دان و له ته‌نيايى وه پێ بره‌سين. ئويه ناتويه‌نين هه‌ميشه چه‌وه‌رێ پياوێ بوين تا بايده ناو ژياندان و ئويه خوه‌شهاڵه‌و بكا.
ئه‌گه‌ر ته‌نيا گێچه‌ڵ ژيان ئويه يه‌سه ك پياو خودان وه ده‌س ناوردينه، يه وه‌ى مانا نيه ك ئويه ناتويه‌نين خوه‌ش بوين. چشته‌يل فره‌ترێ له‌ى جه‌هانه هه‌سه ك تويه‌نن ئويه خوه‌شه‌و بكه‌ن.
ره‌يحانا هه‌ميش وتگه: م وه ئشق باوه‌ڕ ديرم، ته‌نانه‌ت وه‌ختێ ك هويچ كه‌سێ له ناو ژيان ئويه نيه‌و ئاشق نه‌وينه، هه‌ميش ئيچنه هه‌ست ئه‌كه‌ين ك خوه‌شدان ئه‌ياد ئشق بكه‌ين./ش
