حايك، بازرگانی وە مادەيل هوشبه‌ر ئه‌كا
له‌ى فيلمه، ژماره‌ى فره‌ى له هساره‌يل هوليوود به‌شدارى كردنه، له‌وانه: بينێچيۆ ديڵ تۆرۆ، ئاروين جانسۆن، بللاك ليڤلى و ئوما سۆرمن تويه‌نيم ناو باريمن. رويدايه‌يل ئه‌ى فيلمه باس له تاوانه‌يل بازرگانى كردن وه ماده‌يل هوشبه‌ر ئه‌كاو له‌ى فيلمه باس له بان دو بازرگانه ك هانه ته‌قلا، شكست وه بازرگانى يه‌ك بيه‌ن ك سه‌لما حايك رۆڵه‌گه‌ى بازى ئه‌كا.
هاووه‌ختيش ئه‌ى بازرگان ئافرته، ته‌قلا ئه‌كا فێشتر شوونه‌يل فرووشان ئه‌ى ماده‌يه بخه‌ێده ژێر ده‌س خوه‌ى و هه له‌ى وه‌خته‌يش رويدايه‌يل قويلتره‌و بوون.
ئه‌ى فيلم كۆميدى ئه‌كشنه، چه‌ن گرياى فره كۆميدى له ناونى ئه‌ى دو بازرگانه هه‌سه ك هه‌ردو ئه‌كته‌ر جان تراڤڵتا و بينێچيۆ دێل تۆرۆ، رۆڵ ئه‌و دو كاره‌كته‌ره بازى ئه‌كه‌ن.
سناريۆ ئه‌ى فيلمه له رۆمانێگ نويسه‌ر ئه‌مريكى(دۆن وينسلۆ) وه‌ر گيريايه ك له ساڵ 2010 نويساسه‌ى و ئه‌ى كتاوه‌يشه يه‌كێ له پڕ فرووشترين كتاوه‌يل ئه‌و ساڵه بويه./ش
