وینەیلیگ فرە هویرد ئەرا مەوقەی خوەرئاوابوین لەبان مانگ
شەفەق نیوز/ ئیدارەی فڕۆکەوانی و بۆشایی ئاسمانی ئەمریکی (ناسا) و کۆمپانیای "فايەرفڵای ئيرۆسپەیس"، ئمڕوو چوارشەممە، ئاشکرای یەکەمین وینەیل فرە هویرد کرد ئەرا خوەرئاوابوین بان مانگ کە ڕۆبۆت "بلو گۆست" گردەی، دویای نیشتنەوەی لەبان روی مانگ لەی ئادارە.
ئەو وینەیلە دیمەنەیل رەنگییگ لە ئاسمان نشان دان، کە خوەر ز زەوی و هەسارەی ڤینۆس وە ئاشکرا دیار دان.
زانایەیل ئومید دیرن ئی وینەیلە دەسمیەتی لە فامستن چەوچەی پرشنگدان مانگ بەێد، کە یەکەمین جار لە شەسەیل سەدەی گوزەشتە توومار کریا.
جويل كيرنز، وەرپرس لە "ناسا"، لە کۆنگرەیگ رووژنامەوانی وت: وەخت خوەمان بەیمن ئەرا دووارەنووڕین و شیەوکردن ئی وینەیلە ولایەن پسپۆڕەیل زانستی، وتیش: ئی وینەیلە وەڕاسی فرە رەنگینن.
لە شەسەیل سەدەی گوزەشتە، ئەرا یەکەمین جار لەڕی کەشتیەیل "ناسا" سیمای پرشنگدان توومار کریا، کە دویای ئەوە پیاوەیل بۆشایی ئاسمانی لە کەشتیەیلیان دینەی.
لە ماوەی دوو هەفتەی گوزەشتە، لە وەختیگەو رەسیە بان مانگ، ڕۆبۆت "بلو گۆست" بڕیگ تاقیکردن زانستی ئەنجام دا، و شمارەیگ وینە گرد، لەناویان دیمەنەیل جیاوازیگ ئارا مانگیران، کە ئاسوو نوویگ ئەرا فامستن دیاردەیل گەردونی لەبان مانگ واز کەن.
