بيسەروشوینی دویەتیگ هەواڵگری بەریتانیا خەێدە ئامادەباشی
شەفەق نیوز/ دەسەڵاتەیل بەریتانیا دەسکردنە هەڵمەت گەورەیگ وە مینەکردن دویەتیگ تەمەنی لە 23 ساڵان زیاترە، لە ماڵ دەرچگە تا وەرزشی بکەێد، دی دیاری نەمەنیە.
ئەو دویەتە وەناو جینی هول، کە لە باخ باوگی لە ناوچەی دورهام لە ساعەت 3ی دویای نیمەڕو رووژ سێشەممەی گوزەشتە دەرچگە.
پولیس دورهام وت: دویاترین شوینی لەبان ری ناوەین ستانهۆپ و ئیگلیستۆن بویە، کە ماشینەگەی مارکەی فۆرد فۆکس رەنگ سوور لەورا وسیایوێد.
وەگەرد چوارەم رووژ مینەکردن فراوان، ئمڕوو شەممە، پولیس وت: پولیس و تیمەیل مینەکردن و رزگارکردن، ئەوەسا لەناو دارستان هامسترلی و دەورگردی کەفنە مینەی.
دەسەڵاتەیل دەسکردنە مەرەقەزکردن دڕۆن لەبان ئەو ریەیلە کە وەپیا دەو و وەرزشی کەن، کە گومان هەس جینی وەپیەو چگە.
جینی دویاترین دیداری وە کوتر رەنگ کەویک بویە کە دروشم John Deere لەقەیی نویساس و پانتۆل وەرزشی بوور.
بنەماڵەگەی ئەرا پولیس وتنە؛ هاتێ کوتر سەوزیگ لەوەری بویە و گیسی وەرەو بان بردگە. هەواڵگری خەوەر بەدیگ بڵاو کرد هەناێ وت: کەفتیمنەسە شوین شمارەی مۆبایلەگەی و ساعەت زیرەکی، وەلێ شوین و نوینی نەکردنەسەدی.
دەسەڵاتەیل دویەکە جمعە وتن؛ فرە نیەگران بوینە چوینکە فرە مینە کردنە و هیمان وە هویچ ئەنجامیگ نەڕەسینە.
