راپۆرتيگ بريتانی: سعوديه ڕی خوه‌ش ئه‌كا ئه‌را جه‌نگ تايفه‌گه‌ری ناونی شيعه‌و سنی
2013-12-29T11:49:21+00:00
رووژنامه‌گه له شماره‌ی تايبه‌ت ئمڕوو وه‌گووره‌ی شيه‌وكردنيگ له‌لايه‌ن باتريك كوبرن په‌يامنێر رووژنامه‌ی كاروبار خوه‌رهه‌ڵات ناوين له‌ژير ناونيشان "فه‌رمانڕه‌وايه‌يل كه‌نداو سنی پشتگيری دعايه‌ی خوسه‌وكينه‌ت كه‌ن له يوتيوب" ك(شه‌فه‌ق نيوز)ئاگاداری بوی، وت: دعايه‌كردن دژ شيعه له‌لايه‌ن پياوه‌يل ئايينی سنيه‌و وه‌پشتگيری سعوديه‌و هاوپه‌يمانه‌يلی له ده‌وڵه‌ته‌يل كه‌نداو جيوه‌جی ئه‌كريه‌يد ك ئامانج له‌لی به‌رپاكردن جه‌نگ تايفه‌گه‌ريه له جه‌هان ئسلامی وه گشتی.
رووژنامه‌گه هه‌ميش وت: عراق و سوريا گه‌وراترين تون وتيژی له‌تيان روی ئه‌ياد، ك زوورم ئه‌و ٧٦٦ كه‌س مه‌ده‌نيه له‌ی مانگه له عراق كوشيان له زياره‌تچيه‌يل شيعه بوين له ئاكام ته‌قينه‌وه‌يل خوه‌يكوشی ك له‌لايه‌ن ئه‌ندامه‌يل ريكخرياگ ده‌وڵه‌ت ئسلامی له‌عراق وشام ئه‌نجام دريا.
ج . أ
