ئيران كوشتن كارگه‌ره‌يلی له دياله خسته وه‌رپرسيارێتی عراق
ئاژانس هه‌واڵه‌يل فارس ئيرانی له جيوازكردن لێدوانيگ له‌لايه‌ن سه‌رچه‌وه‌يگ له وزه‌ی ئيرانی ك(شه‌فه‌ق نيوز)ئاگاداری بوی، ئه‌وه ده‌رخست ك وه گووره‌ی زانياری ئه‌وه ده‌ركه‌فتگه ك ئه‌و په‌لامار چه‌كداريه له سێ ماوه‌ی كاره‌گه‌يان رويداگه‌و له‌تی قازيفه‌ی ئاڕ بی جی وه‌كار هاورياگه‌و له‌هه‌مان وه‌خت وه‌رپرسيارێتی مقه‌يه‌تيكردن ئاسايش كارگه‌ره‌يل ته‌كنيكی ئيرانی ئه‌كه‌فيده بان لايه‌ن عراقی، ك دياره عراق وه جددی ره‌فتار وه مه‌سه‌له‌گه نه‌كردگه.
ئاژانسه‌گه هه‌ميش وت: وه‌پرسه‌يل عراقی جه‌خت له‌وه كردنه ئی په‌لامار چه‌كداريه له‌لايه‌ن چه‌كداره‌يل قاعيده‌و ئه‌نجام درياگه وه ئامانج داناين كاريگه‌ری خراو له‌بان په‌يوه‌نديه‌يل ئابووری ناونی عراق و ئيران.
جی باسه، ئی لاماره ٢٠ كارگه‌ر ئيرانی له‌تی كوشيا، له ناوچه‌ی جه‌وه‌ڵ مه‌نسوريه رويدا، وه‌لی هويچ كاريگه‌رييگ نه‌ياشت له‌بان دريژه‌وكردن لويله‌يل غاز ئيرانی ئه‌را عراق.
ج . أ
