پێشمه‌رگه‌ له‌ شه‌نگاڵ شكه‌ست وه‌ په‌لاماريگ داعش هاورد

له‌ى باوه‌ته‌و، سه‌ركرده‌يگ سه‌ربازى ئه‌را(شه‌فه‌ق نيوز)وت: ئى په‌لاماره‌ له‌ڕى چه‌ن محوه‌ريگه‌و ئه‌نجام گرتگه‌ له‌و شوونه‌يله‌ ك هيزه‌يل پێشمه‌رگه‌ له‌تيان وجوود داشتگه‌و هه‌ر له‌وه‌ر ئه‌وه‌يش جه‌نگ ده‌س وه‌پيكردگه‌ و هيزه‌يل پێشمه‌رگه‌ تويه‌نستنه‌ شكه‌ست وه‌پى بارن و شماره‌يگ ترۆريست بكوشن و زه‌خمدار بكه‌ن.

جى باسه‌، هه‌مان سه‌ركرده‌ى سه‌ربازى يه‌يش ده‌رخست ئه‌را شكه‌ستهاوردن وه‌و په‌لامار داعشه‌ ريككه‌فتنيگ له‌ناونى هيزه‌يل كورد و هيزه‌يل ئاسمانى هاوپه‌يمان ناوده‌وڵه‌تى ئه‌نجام گرتگه‌ ئه‌را بوردمانكردن بنگه‌يليان.