پارتى وه‌رپرسيارێتى كاره‌يل تون وتيژى خسته بان گوڕان
فراكسيۆن پارتى له به‌ياننامه‌يگ ئه‌را(شه‌فه‌ق نيوز)وت: هه‌رێم كوردستان و عراق وه شيوه‌يگ گشتى وه بار ئابوورى سه‌ختيگ گوزه‌ر ئه‌كه‌ن له جه‌نگيگ دژ ريكخرياگ داعش ئه‌را ماوه‌ى فيشتر له ساڵ ونيميگه‌و هيزه‌يل پێشمه‌رگه‌يش وه‌گشت توانايگه‌و روى وه‌ڕوى تونڕه‌وه‌يل بوينه‌سه‌و، يه‌يش بيجگه وجوود نزيكه‌ى دو مليۆن كووچبه‌ر و په‌نابه‌ر له هه‌رێم، ك گشت ئه‌يانه بار هه‌رێم كوردستان سه‌خته‌و كردنه.
فراكسيۆن پارتى هه‌ميش وت: جمشت گۆڕان ئى ده‌رفه‌ته كرده هه‌ليگ ئه‌را هانداين بريگ هه‌رزه‌كار و جايه‌ڵ جوان له‌ژير ته‌مه‌ن 15 ساڵ و تيكه‌ڵيان كرد وه‌ل مه‌ردم خوه‌ينيشانده‌ر ئه‌را ئالشتكردن ريڕه‌و و ئامانجه‌يل مه‌ده‌نى، ئه‌ويش له‌ڕى كوچگوارانكردن و سزانن باره‌گايه‌يل پارتى له قه‌ڵادزه‌و كه‌لار و هه‌ڵه‌بجه‌و چه‌ن شاريگ تر و يه‌يش بويه‌سه هووكار كوشيان و زه‌خمداربوين بڕيگ له كادره‌يل پارته‌گه‌مان.
