وینە...سلێمانی ئامادەکاری کەێد ئەرا پیشوازیکردن لە نیم ملیۆن زیارەتکەر بیانی ئەرا چلەی ئیمام حسێن
نوری جاسم ئەندام لە ناوەن روشنهویری کەسنەزانی وە ئاژانس شەفەق نیوز وت، " تەکیەی قادری کەسنەزانی لە سلێمانی لە یەکەم رووژ مانگ سەفەر بەرنامەیگ دانایە ئەرا پیشوازیکردن لەو زیارەتکەرە فارس و تورک و سوریەیلە کە لە ری دەروازەی سنووری وەرد ئیران (باشماخ) تێنەناو".
وتیش "ئیمە گشت خزمەتگوزاریەیل خوەراک و شوین مانەوە ئەرایان دابین کەیمن ئەرا ئەوانەگ دویای خوەرئاوا رەسنە سلێمانی، گۆرەپانیگ ئامادەکردیمنە ئەرا وسانن پاسەیل کە زیارەتکەرەیل لە سلێمانیەو ئەرا نەجەف و کەربەلا و سامەرا بەن".
لەلایگیش محەمەد جونید حسێنی ئەندام تەکیەی شێح قادر کەسنەزانی لە سلێمانی وە پەیامنێر ئاژانس شەفەق نیوز وت، " لە چوارچمگ پیلانەگە بڕیارە تەکیەی قادری پیشوازی بکەێد لە زیاتر لە 500 هەزار زیارەتکەر لەماوەی بیس رووژ یەکەم مانگ سەفەر، وە رێژەی 30 - 50 هەزار زیارەتکەر لە رووژیگ کە خواردن وەپیان دریەێد و شوین مانەوە ئەرایان دابینکریەد".
یەکیگ لە زیارەتکەرەیل دیاریکرد، ئاسانکاری ئیداری و ئەمنی ئەرایان کریاس لەمەوقەی پیشوازیکردنیان وەلایەن حکومەت هەرێم کوردستان، هەمیش بەهای میوانداری عراقیەیل بەرز نرخان.
مەشەی ئەحمەدی وە پەیامنێر ئاژانس شەفەق نیوز وت، " ئاسانکاری ئەرا گشت رێکارەیل کریایە لەمەوقەی هاتنەناوەوە لەڕی دەروازی (باشماخ) وەلایەن دەزگا ئیدارەیل و ئەمنیەیل دەروازەگە وەخێرهاتنیان کریایە".
