هەفتەی ئایندە شەپوول گەرمیەگە تونترەو بوود
2023-07-31T05:56:10+00:00
شەفەق نیوز/ ئەی شەپوول قایم گەرمیە ک عراق و هەرێم کوردستان گردیەسەو، مەزەنەکریەد کۆتایی ئێ هەفتە و سەرەتای هەفتەی بانان بڕەسێدە لویتکە.
ماڵپەڕ جەهانی "ئەکوا ویزەر" کەشوهەوا باس لەوە کەێد، " کۆتایی ئێ هەفتە و سەرەتای هەفتەی بانان کەشوهەوای شارەیل باشوور کوردستان وە شیوەی وەرچەویگ بەرزەو بوود، لە چەن ناوچەیگ پلەی گەرمی رەسێدە نزیک ٥٠ پلە و لە بڕیگ ناوچەيش رەسێدە بان٥۰ پلە".
وەگورەی ماڵپەڕەگە پلەی گەرمی هەولێر و کەرکوک لە رووژەیل ٦ و ٧ ی ئاب بەرزەوبوود ئەرا ناوەبەین ٤٧ تا ٥٠ پلەی سیلیزی، و سلێمانی رەسێدە ٤٧ پلە و ناوچەیل گەرمیان رەسێدە بان ٥٠ پلە وە کەلار و کفری خانەقین و گوڵاڵەو.
هەمیش مەزەنە کەێد،" لە ٢٠ مانگ ئاب پلەی گەرمی وەرەو هونکایی بچوود و پلەی گەرما کەم کەم داوەزێد".
