نه‌ته‌وه‌يل يه‌كگرتگ: جينۆسايد ئێزيديه‌يل هه‌وه‌جه‌ وه‌ به‌ڵگه‌يل فيشتر ديرێد

له‌ به‌ياننامه‌ى حكومه‌ت هه‌رێم ك(شه‌فه‌ق نيوز)ئاگادارى بوى، دينغ له‌ چوارچيوه‌ى سه‌ردانه‌گه‌ى ئه‌را هه‌رێم كوردستان سه‌ردان ئه‌نجومه‌ن روحانى كورده‌يل ئێزيدى و ئه‌و كه‌مپه‌ييله‌ ئه‌كا ك په‌نابه‌ره‌يل و كووچبه‌ره‌يل گرته‌سه‌ خوه‌ى و له‌ مه‌ترسى داعش واينه‌ وه‌خاتر ئه‌وه‌گ له‌ نزيكه‌و گشت ئه‌و كاره‌ساته‌يله‌ بزانێد ك هاته‌سه‌ تويشيان له‌لايه‌ن چه‌كداره‌يل ريكخرياگ ترۆريستى داعش، ك وه‌قسه‌ى خوه‌ى جينۆسايد ئێزيديه‌يل هه‌وه‌جه‌ وه‌ به‌ڵگه‌يل فيشتر ديرێد.

جى باسه‌، به‌ياننامه‌گه‌ يه‌يش ده‌رخست ك دينغ له‌وه‌خت گله‌وخواردنى ئه‌را نيويۆرك گشت ئه‌و موسيبه‌ت و كاره‌ساته‌يله‌ ك هاته‌سه‌ تويش ئێزيديه‌يل ئه‌خاد ڕوى و جى باسه‌، هه‌ناى ك وه‌ چه‌ك كيمياوييش بوردمان هه‌ڵه‌به‌جه‌ كريا له‌ساڵ 1988، دينغ يه‌كيگ بوى له‌و كه‌سه‌يله‌ ك وه‌رده‌وام هه‌وڵ دا ئه‌و تاوان گه‌ورا بڕه‌سنێده‌ كومه‌ڵگاى ناوده‌وڵه‌تى.