لە ٥٠هەمین ساڵیاد وەسێدارەدانی.. لاوردن پەردە لەڕوی پەیکەر لەیلا قاسم لە هەولێر.. وینە
2024-05-12T11:23:55+00:00
شەفەق نیوز/ لە ٥٠ هەمین ساڵیاد وەسێدارەدان خانمە سیاسەتمەدار کورد لەیلا قاسم، شوین پەیکەرەگە دویای نووەوکردنی ئاڵشت کریا، و بریا ئەرا وەرانەور بارەگای یەکێتی ژنەیل کوردستان لە شار هەولێر.
وەرجەیە پەیکەرەگە لە جادەی ١٠٠ مەتری بوی لە هەولێر پایتەخت هەرێم کوردستان.
پەیامنێر ئاژانس شەفەق نیوز وت: وەی بوونە، پیشانگای وینەیل شەهید لەیلا قاسم ساز کریا، و رێز لە ٥٠ ژن لە زیندانەیل سیاسی لە هەرێم کوردستان وەلایەن یەکێتی ژنەیل کوردستان نریا.
لەیلا قاسم خانمیگ سیاسەتمەدار کوردە لەداڵگبوی ٢٧ کانوون دویەم ساڵ ١٩٥٢ لە شار خانەقین، و وەگەرد پارت دیموکرات کوردستان لە سەرەتای هەفتایل سەدەی گوزەشتە کار کرد.
لەیلا قاسم دەسکردە خوەنەواری زانکۆ لە کۆلێژ ئاداب زانکۆی بەغداد بەش کۆمەڵایەتی لە ساڵ ١٩٧١، و لە ٢٩ی نیسان ساڵ ١٩٧٤ وەلایەن حکومەت عراق دەسگیر کریا، و لە ١٢ی ئایار ساڵ ١٩٧٤ وەسێدارە دریا.
