کەشناسی هەرێم ...گەرمی گلەوخوەێد
2023-07-13T08:48:13+00:00
شەفەق نیوز/ وەڕیەوبەرایەتی کەشناسی و زەویلەرزەناسی هەرێم، ئمڕوو پەنجشەممە، کەشوهەوای 48 ساعەت ئایندەی ناوچەیل هەرێم راگەیان.
وەڕیەوبەرایەتیەگە لە بەیاننامەیگ راگەیان" ئمڕوو ئاسمان ساماڵە و پلەی گەرما وە (2-3) پلە بەرزەوبوود، وەراوورد وە توومارەیل دویکە".
لە بارەی کەشو هەوای سوویش وت" ئاسمان ساماڵە وەگەرد هەبوین لەکەئەور جیاجیا و هاتێ تەپوتوز سوکیگ بەرزەو بوود".
لەهەمان وەخت سوو جومعە پلەی گەرمی (1-2) پلەیتر وە بەراورد وە ئمڕوو بەرزەوبوود وە تایبەت لەناوچە کویەیلە.
بەرزترین پلەی گەرمی مەزەنەکریاگ وە پلەی سیلیزی:
هەولێر: 45 پلەى سیلیزى
سلێمانی: 42 پلەى سیلیزى
دهۆک: 43 پلەى سیلیزى
کەرکوک: 47 پلەى سیلیزى
هەڵەبجە: 44 پلەى سیلیزى
حاجی ئۆمەران: 32 پلەى سیلیزى
زاخۆ: 44 پلەى سیلیزى
سۆران: 42 پلەى سیلیزى
گەرمیان: 47 پلەى سیلیزى.
