کەشناسی هەرێم.. ئاسمان هەرێم ساماڵ و لەکە ئەور بوود
شەفەق نيوز- هەولێر
وەڕێوەبەرایەتی کەشناسی و زەویلەرزەناسی هەرێم کوردستان، ئمڕوو سێشەممە، کەشوهەوای دوو رووژ دیاریکرد.
کەشناسی لە بەیاننامەیگ دیاریکرد "ئمڕوو ئاسمان ساماڵ و لەکە ئەورە لە ناوچە کویەیلە نیمە ئەورە، و بەرزترین پلەی گەرمی کەمیگ بەرزەوبوود وە (1-2) بەراورد وە توومارەیل دویەکە، "هەولێر 16پلەی سیلیزی، پیرمام 14 پلەی سیلیزی، سۆران 14 پلەی سیلیزی ، حاجی ئۆمەران 5 پلەی سیلیزی ، سلێمانی 15 پلەی سیلیزی، چەمچەماڵ 16 پلەی سیلیزی، دهۆک 15 پلەی سیلیزی، زاخۆ 15 پلەی سیلیزی، ئاکرێ 14 پلەی سیلیزی".
دیاریکرد "سوو چوارشەممە ئاسمان ساماڵ و لەکە ئەورە و بەرزترین پلەی گەرمی نزیکە لە توومارەیل ئمڕوو و نزمترینی کەمیگ داوەزێد، "هەولێر : 16 پلەی سیلیزی، سلێمانی : 15 پلەی سیلیزی، چەمچەماڵ 15 پلەی سیلیزی، دهۆک : 16 پلەی سیلیزی، زاخۆ : 14 پلەی سیلیزی، هەڵەبجە : 14 پلەی سیلیزی".
