شاندیگ لە هەولێر سەردان ئەمریکا کەێد ئەرا هاولفکردن وەگەرد شار ناشڤێڵ
خۆشناو لە کۆنگرەیگ رووژنامەوانی ئاژانس شەفەق نیوز ئامادەی بوی وت: سوو یەکشەممە شاندیگ لە پارێزگای هەولێر سەردان ئەمریکا کەێد، ئەرا واژووکردن گریەبەسی هاولفکردن وەگەرد شار ناشڤێڵ، و باس لە ئومیدی کرد کە ئی گریەبەسیە بکەفێدە بەرژەوەنی ئەوزەڵکردن پەیوەندیەیل ناوەین هەردوگلا، چوینکە فرە گرنگە لە گەشەپیدان پەیوەندی ناوەین گەل و حکومەتەیل.
وتیش؛ ئیمە شانازی کەیمن کە هەولێر تەنیا شاریگە کە ئەوەسا گریەبەسی هاولفکردن وەگەرد شار ناشڤێڵ واژوو کەێد، لە ئاست خوەرھەڵات ناوڕاس.
لەلاییگتر، پارێزگار هەولێر لەناو کۆنگرەگە باس بەرزەبوین نرخ بەنزین و بەدی کوالیتیی کرد، کە جی بیزاری و ناڕەزایی خەڵک هەولێرە، کە وت: وەدەسکەفتن بەنزین وە نرخ پاڵپشتیکریای یەکیگ لە مافەیلمانە، وەلێ بەغداد زەفتی کردیە.
دیاری کرد کە بەنزین پاڵپشتکریای هاناو بودجەی سەروەری عراق، و ئیمە بەشیگ لەلی دیریمن، وەلێ یەک تک لەلی وە هەرێم کوردستان نەڕەسیە.
