شەپوول گەرمی دەێد لە هەرێم کوردستان و تا چەن رووژیگ وەردەوام بوود
2023-08-06T11:47:22+00:00
شەفەق نیوز/ وەڕیەوبەرایەتی کەشناسی و زەویلەرزەناسی لە هەرێم کوردستان، ئمڕوو یەکشەممە، مەزەنە کرد، لە سووەو شوپوول سویەریگ باێد وەگەردی پلەی گەرمی وە شیوەی وەرچەویگ بەرزەو بوود.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: کارگەی ئی شەپوولە تا هەفتەی ئایندە وەردەوام بوود، وتیش؛ لویتکەی گەرمەکە کەفێدە رووژ پەنجشەممەی ئی هەفتە.
وەگورەی مەزەنەیل، بەرزترین رێژەی گەرمی وەیجویرە بوود: هەولێر ٤٧ پلەی سیلیزی، سلێمانی ٤٥ پلەی سیلیزی، دهۆک ٤٦ پلەی سیلیزی، کەرکوک ٥٠ پلەی سیلیزی، هەڵەبجە ٤٧ پلەی سیلیزی، گەرمیان نزیک ٥١ پلەی سیلیزی، راپەڕین ٤٥ پلەی سیلیزی، و ناوچە کویەیلە بان ٤٢ پلە، و ناوچە کویەیلەی سنووری بان ٣٤ پلە.
وەڕیەوبەرایەتیەگە لە کۆتایی بەیاننامەگە وت: ئی شەپوول گەرمیە تا چەن رووژیگ وەردەوام بوود.
