حزبه‌يل سه‌ره‌كى هه‌رێم دانيشتنيگ ئه‌نجامدان

له‌ى دانيشتنه‌ ك هه‌ر يه‌ك له‌ پارت ديموكرات كوردستان و يه‌كێتى نيشتمانى كوردستان و جمشت گۆڕان و هه‌ردوگ حزبه‌ ئسلاميه‌ كوردستانيه‌گه‌ به‌شدارن له‌تى بڕياره‌ مه‌سه‌له‌ى پۆست سه‌رۆكايه‌تى هه‌رێم له‌تى تاوتوى بكريه‌ێد وه‌ل ئه‌و پرووژه‌ى سياسيه‌ ك پارتى پيشكه‌شى كرد ئه‌را ره‌سين وه‌ ريككه‌فتن له‌بان پۆست سه‌رۆكايه‌تى.

جى باسه‌، ئه‌و پرووژه‌ى سياسيه‌ ك پارت ديموكرات كوردستان پيشكه‌شى كردگه‌ پيكهاتگه‌ له‌وه‌گ مه‌سعود بارزانى وه‌رده‌وام بدێ له‌ سه‌رۆكايه‌تى هه‌رێم تا وه‌خت ده‌سوه‌پيكردن هه‌ڵوژاردنه‌يل گشتى ئاينده‌ى خول په‌نجه‌م په‌رله‌مان هه‌رێم وه‌ل ريكخستنه‌وه‌ى سيستم ده‌سڵاته‌يل هه‌رسێ سه‌رۆكايه‌تى له‌ كوردستان.