"ترس هاووڵاتيه‌يل"ئه‌دێده هووكار به‌رزه‌وبوين نرخ دۆلار له كوردستان
2016-01-13T09:14:14+00:00
له‌ى باوه‌ته‌و، عه‌لى مه‌نده‌لاوى خاوه‌ن نويسينگه‌ى مه‌نه‌لى له‌بازاڕ خه‌رجكردن پويل له هه‌ولێر له‌باسيگ ئه‌را(شه‌فه‌ق نيوز)وت: 100 دۆلار ئه‌مريكى فرووشيا وه 124 هه‌زار و 750 دينار و ئيسه‌يش به‌رزه‌و بويه ئه‌را 125و500 دينار.
مه‌نده‌لاوى هه‌ميش وت: دويه‌كه له‌وه‌خت به‌سانن بازاڕ نرخ خه‌رجكردن 100 ئه‌مريكى به‌رزه‌وبوين فريه‌يگ وه‌خوه‌يه‌و دى و ره‌سيه 126 هه‌زار دينار، ئاماژه وه‌يه‌يش كرد و وت: وه به‌راورد وه‌ل مانگه‌يل گوزه‌يشت تائيسه دۆلار له‌يوا به‌رزه‌و نه‌ويه‌و هووكار به‌رزه‌وبوينيشى له‌وه‌رده‌م دينار عراقى له ئاكام ترس هاووڵاتيه‌يله ك هه‌رچه‌نى بانك ناوه‌ندى عراقييش 175 مليۆن دۆلار خسته‌سه بازاڕه‌يل، وه‌لێ داواكارى له‌بان دۆلار كه‌مه كه‌مه نرخى به‌رزه‌و كرد.
