ئازادکردن بەچکە خرسیگ لەیەکیگ لە ناوچەیل سلێمانی
عەمید هێمن کەمەر خان قسەکەر فەرمی وەڕیەوبەرایەتی پولیس دارسان ئەرا ئاژانس شەفەق نیوز وت: دویای رەسین زانیاری ک هاووڵاتییگ بەچکە خرسیگ گردیە، سڵای دادوەر لێکۆڵینەوە بریا، و روی وەرەو ئەو هاووڵاتیە کریا ک لە ناحیەی گەرمگ سەروە قەزای پێنجوێن لە پارێزگای سلێمانی نیشتگ، و دەسگیر کریا و ئاژەڵەگە ئازاد کریا.
لەباوەت رخ ئەو ئاژەڵەیلە لەبان ئەو ناوچەیلە ک کشاورز فرەیگ هاناویان، وەڕیەوبەرایەتی پولیس دارسان وت: ئەو ئاژەڵەیلە لەو شوینەیلە نیەمینن، بەڵکم جاروبار تیەن وەمینەکردن لەوەڕ، و مەفرەزەیل وەڕیەوبەرایەتیەگە لەو شوینەیلە هەس، و هەمیش گردن و ڕاوکردن ئەو ئاژەڵەیلە قەیەغەس.
لەباوەت ریکارەیل مقیەتیکردن لە رخ ئەو ئاژەڵەیل گووشتخوەرە لەو ناوچەیلە، دووپات کرد ک ریکارەیل وەڕیەوبەرایەتی پولیس دارسان وەلایەن کادرەیل جیوەجی کریەن، و ئەو ناوچەیلە هانە ژیر کۆنترۆڵ، و ئەو کابرا ک بەچکە خرسەگە کردیە خریا دادگا.
