چایخانەی "مچكۆ" لە هەولێر.. ٨٠ ساڵە چایەگە هەر خوەیە
مستەفا محسن مچکۆ ئەرا ئاژانس شەفەق نیوز ئویشێد: چایخانەگە لە ساڵ ١٩٤٠ وەلایەن رەحمەتی مچکۆ هەر لەی شوینە دروس کریا، و بویە میراتی کوڕەیلی تا ئیرنگە رەسیەسە لای خوەی، کە ئیسە ئەرا زنیکردن یادیان سەرپەرشتی کەێدەو وینەیلیان لەپای دیوارەیل چایخانەگە دانایە.
چایخانەی مچکۆ مقیەتی شیوەی کەلەپوور خوەی کردیە، هەرچەن یە ماوەی درویژیگە دروس بویە، کە مستەفا محسن ئویشێد: ئەوەیش چوودەو ئەرا ئەو شوین جیاوازە کە کەفێدە ژیر قەڵای ئاسەواری هەولێر لەلاییگ، و دووستواستن مەردمەگە ئەرا ئی شیوەی چایخانەیل جەماوەریە، ک بویە بەشیگ لە کەلەپوور شار هەولێر، و ئەرا فرەیگ لە خەڵکەگە کە یادگاری وەگەردی دیرن.
چایخانەی مچکۆ وە تام ئەو چایە ناسیایە کە ئەرا میوانەیل پیشکەش کریەێد، کە خاوەن ئیەسەی ئویشێد: تامە خوەشەگەی ئەو چایە لە وەخت دروسبوینی تا ئیسە ئاڵشت نەویە، و تامی لە ئەو چای ناو ئەو چایخانەیل میللی لە شار هەولێر جیاوازترە.
چایخانەگە وینەیل فرەیگ لەقەی دیوارەیلی هەس، کە خۆشناو ئویشێد: ئی وینەیلە ئەرا کەسەیلیگ هونەری و سیاسی و رووشنهویریە، و وەرجە مردنیان چەوم وەپییان کەفتیە، و ئی کارە شیوەی کەلتووری رەنگینیگ خەێدە ناو چایخانەگە.
فرە لە هاووڵاتیەیل و گەشتیارەیل وەشیوەی گەورەیگ سەردانی کەن، کە عەلا ئەکرەم گەشتیارە خەڵک بەغداد، ئویشێد: چایخانەگە هاووڵاتی و گەشتیارەیل ئەرا خوەی کیشێد، و شوینەگەی فرە گرنگە، و لە قسەیلی ئەرا ئاژانس شەفەق ئویشێد: هەر کەسیگ سەردان هەولێر کورد بایەسە سەردان چایخانەگە بکەێد و رەنگینە تا بنووڕێد ئی چایخانە کە بەشیگ لە خیزانەیل هاناوی، و ناشتا وەشیوەیگ کەلەپووری پیشکەش کەێد.
