ئيتاڵيا مه‌شقده‌ر سه‌ربازى ره‌وانه‌ى هه‌رێم كوردستان ئه‌كا

له‌ به‌ياننامه‌ى حكومه‌ت هه‌رێم ك(شه‌فه‌ق نيوز)ئاگادارى بوى، ئه‌وه‌ ده‌ركه‌فت ك نه‌يچێروان بارزانى له‌ هه‌ولێر چه‌وى كه‌فته‌سه‌ كارنيلوس وه‌ ياوه‌رى شانديگ دبلۆماسى و سه‌ربازى و له‌و ديداره‌ باڵوێز ئيتاڵى سه‌رسامى وڵاته‌گه‌ى وه‌ ئازايه‌تى و قاره‌مانێتى پێشمه‌رگه‌ى كوردستان نيشانداگه‌ له‌ روى وه‌ڕوى بوينه‌وه‌ى ترۆريسته‌يل و پيشوازيكردن حكومه‌ت و ملله‌ت كوردستانيش له‌ په‌نابه‌ره‌يل و كووچبه‌ره‌يل.

جى باسه‌، به‌ياننامه‌گه‌ ئاماژه‌ وه‌يه‌يش كرد ك باڵوێز ئيتاڵى جه‌خت له‌بان وه‌رده‌وامى وڵاته‌گه‌يشى كردگه‌ له‌ پيشكه‌شكردن ده‌سميه‌ته‌يل سه‌ربازى و ئنسانى ئه‌را هه‌رێم و هه‌ر وه‌و خاتريشه‌ له‌ى دوياخره‌ بڕيار كلكردن تيميگ تر مه‌شقده‌ر سه‌ربازى داگه‌ ئه‌را مه‌شقداين هيزه‌يل پۆليس و پێشمه‌رگه‌ و هيزه‌يل تايبه‌ت.