هێزه‌یل عراقی جه‌زیره‌ێ سامه‌ڕا كونترۆڵ كردن
2015-05-28T19:42:34+00:00
سه‌رۆك ليژنه‌ێ ئاسایش و وه‌رگری حاكم زاملی له سنوور ده‌ریاچه‌ێ سه‌رسار وتگه: تويه‌نستیمنه جه‌زیره‌ێ سامه‌ڕا و خه‌ت لاین له چه‌كداره‌یل داعش پاكه‌و بكه‌یم.
سه‌رچه‌وه‌ێگ له ناوچه‌گه ك جه‌نگه‌گه وه‌چه‌و خوه‌ێ دیه ئه‌ێوژێ، لاشه‌ێ كوژیاگه‌یل داعش شه‌قامه‌یل پڕ كردگه.
زاملی زیاتر وتگه: وه‌گوره‌ێ پلان ئاماده‌كریاگ محوه‌ره‌یل حه‌شد شه‌عبی یه‌كه‌وگردنه.
سه‌رچه‌وه‌ێگ ئه‌منییش وه(شه‌فه‌ق نیوز) وتگه: 63 چه‌كدار داعش كوژیانه و چوار تریش وه جنگ ژنانه‌وه جوور پاره‌كه ده‌سوه‌سه‌ر كریانه.
(ئه‌فسه‌رێگ پۆلیس)یش وتگه: هه‌لیكۆپته‌ره‌یل سوپاێ عراق ئۆتۆمبیلێگ چه‌كداره‌یل داعش له شه‌قام وه‌تبان له سامه‌ڕا ئاگردانه و گشت سه‌رنشینه‌یل ئۆتۆمبیله‌گه كوژیانه.
