هویردەکاری نوویگ لەباوەت "دوو تەرمەگەی چەم کوفە".. دوو خوەنەوار وە هووکار نادیار وەگەرد یەک خوەیان کوشن

شەفەق نیوز/ سەرچەوەیگ ئەمنی لە نەجەف، ئمڕوو پەنجشەممە، هویردەکاری نوویگ لەباوەت دراوردن تەرم دوو دویەتەگە کە دویەشەو لە چەم کوفە دراوریان.

سەرچەوەگە وە ئاژانس شەفەق نیوز وت "ناسنامەی دوو تەرمەگە ناسیاس و هەردووگیان خوەنەوارن و لەناوچەم کوفە خنکیانە و لەداڵگبوی ساڵ2008 یەکیگیان خوەنەوار مەکتەو  (ولاء الكوفة) ئەوەکەش خوەنەوار مەکتەو (هدى الصدر) لە کوفە".

سەرچەوەگەوتیش "هووکار خنکیانیان خوەیکوشتنە، دەسکریاس وە لێکۆڵینەوە ئڵرا هووکار خوەیکوشتنیان".

دویەشەو چوارشەممە، فەرماندەی پۆلیس نەجەف لە بەیانامەیگ رەسیە ئاژانس شەفەق نیوز وت، زانیاری رەسیە لە خنکیان لە چەم کوفە، دەسوەجی مەفرەزەی پۆلیس دەریاوانی رەسیە شوین رویداوەگە و تیم دەریاوانەیل دەسکردنە وە ئۆپراسیۆن مینەکردن هویردیگ لە قویڵایی چەم، لە ئەنجام تەرم دوو کەس نەناسریاگ پەیاکردن.

.