گەنم لە سەڵاحەدین.. سزیان ماشینیگ بارهەڵگر و دەسناین وەبان دوو بار نا فەرمی

شەفەق نيوز/ سەرچەوەیگ ئەمنی لە سەڵاحەدین، ئمڕوو یەکشەممە، خەوەردا کە تیمەیل وەرگری شارستانی وەگەرد رویداو سزیان ماشینیگ بارهەڵگر تەقەلا مان کە گەنم باری بویە، لە وەختیگ دەزگایەیل ئەمنی توەنستن دەس وەبان دوو ماشین بنەن کە گەنم وەشیوەیگ نافەرمی بار کردوێن، لە بەغدادەو وەرەو قەزای سامەڕا هاتوێن.

 سەرچەوەگە ئەرا ئاژانس شەفەق نیوز وت: ماشینیگ بارهەڵگر باری گەنم بویە لەبان رییگ کشتوکاڵی لە سەڵاحەدین ئاگر گرد، وەلێ زەخمداری کەسیگ، وتیش: تیمەیل وەرگری شارستانی رەسینە شوین رویداوەگە و توەنستن ئاگرەگە کپەو بکەن، و لێکۆڵینەوە ئەرا رەسین وە بندروس رویداوەگە وەردەوامە.

   هەرلیوا، سەرچەوەگە خەوەردا کە هیزەیل ئەمنی دەس وەبان دوو ماشین نانە کە گەنم بیمووڵەت باریان بویە، لە بەغدادەو وەرەو سەڵاحەدین وەڕی قەزای سامەڕا هاتوێن، دیاری کرد ماشینە یەکەمەگە 40 تۆن گەنم باری بویە، و ئەوەکەیش 50 تۆن، وەبی کاغەز فەرمی.

دیاری کرد کە ئی دانەیلە لەناو سیستەم چەودیاریکردن وەزارەت بازرگانی توومار نەکریاوێن، یا لەناو پلان بازاڕکردن نەوینە، کە شکانن ئاشکراس ئەرا رینمایەیل کشتوکاڵی و بازرگانی.