نەینەوا.. خوەیکوشتن دویەتیگ "وە سزانن" و سەرچەوەیگ ئەمنی هووشداری لە بویینی وە "دیاردە" دەێد
شەفەق نیوز/ سەرچەوەیگ ئەمنی لە نەینەوا، ئمڕوو پەنجشەممە، خەوەردا دویەتیگ لەڕی سزانن خوەی خوەی کوشتیە وە هووکار نادیاریگ، هووشداری درێد لە بوین وە "دیاردە" هەوەجە وە گرنگیدان کەێد.
سەرچەوەگە وە ئاژانس شەفەق نیوز وت "دویەتیگ 19 ساڵان ئاگر لەخوەی وەردایە لەناو ماڵیان لە یەکیگ لە ئاوایەیل سەر وە قەزای حەمدانیە خوەرهەڵات شار موسڵ، ئەرا خەستەخانە کلکریاس باوجی لەوەر سەختی زەخمداریەگەی گیان لەدەسدا".
وتیش "هێزیگ لە پۆلیس لە شوین رویداوەگە ئامادەبوی و لێکۆڵینەوە لە چۆنیەتی رویداوەگە و هووکار خوەیکوشتنەگەی وازکریاس، و تا ئیسە لێکۆڵینەوە وەردەوامە تا ئیسە هووکارەگەی وە تەواوی نەزانریاس".
دیاریکرد "رێژەی خوەیکوشتن لە پارێزگای نەینەوا وەشیوەی وەرچەویگ لەی ماوەی کۆتاییە بەرزەوبویە، کە جی نیگەرانییە و داوای کاردانەوەی لایەنەیل حکومی و کۆمەڵایەتی و تەندروسی کەیمن ئەرا چارەسەرکردن ریشەیی دیاردەگە و پاڵپشتی دەروینی و کۆمەڵایەتی پێشکەشیان بکرێد وە تایبەت وە گەنجەیل".
