نەجەف کەفێدە ئامادەباشی تەندروسی

شەفەق نيوز/ وەڕیەوبەر فەرمانگەی تەندروسی گشتی لە نەجەف، ئمڕوو چوارشەممە، فەرمان وە گشت وەڕیەوبەرەیل دامودەزگایل تەندروسی لە پارێزگاگە دا بکەفنە ئامادەباشی و بەرزکردن ئاست ئامادەیی لە گشت بنکەیل تەندروسی و خەسەخانەیل دویای هوشدارییگ وەلایەن دەسەی کەشناسی لەباوەت هەڵکردن خوەڵوتووز.

لە بەیاننامەیگ رەسیە ئاژانس شەفەق نیوز وت: لەوەر ئەو هوشداریە کە لەلایەن دەسەی کەشناسی لەباوەت هەڵکردن خوەڵوتووزە کە چەوەڕی کریاس، عەبدولڵا محمد غەزالی وەڕیەوبەر گشتی فەرمانگەی تەندروسی نەجەف، فەرمان وە گشت وەڕیەوبەرەیل دامودەزگایل تەندروسی لە پارێزگاگە دا، ئەرا بەرزکردن ئاست ئامادەیی لە گشت بنکە و خەسەخانەیل.

لە فەرمانگە ئی داوایلە کرد:

1. چەودیاریکەرەیل دابینکردن ئۆکسجین پزشکی.

2. دابینکردن دەرمانەیل هەناسەدان.

3. زیایکردن شمارەی پزشکەیل و کادرەیل تەندروسی لە بەش فریاکەفتن لە ماوەی هەڵکردن خوەڵوتووز. 

4. گورجکردن پلان فریاکەفتن تەندروسی وە هەماهەنگی وەرد گشت لایەنەیل پەیوەندیدار.