مردن و زەخمداری 3 کەس وە رویداو هاتوچو لە باشوور عراق
2025-05-27T16:21:22+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە مردن کەسیگ و زەخمداری دوو کەس وە رویداو هاتوچوی لەبان ری ناودەوڵەتی لە پارێزگای زیقار.
سەرچەوەگە وە ئاژانس شەفەق نیوز وت، "کەسیگ گیان لەدەسدا و دوانیش زەخمداربوین، وە رویداو هاتوچوی لەبان ری خێرای ناودەوڵەتی ە باشوور ناسڕیە".
وتیش "رویداوەگە لەناوەین ماشینیگ تانکەر رویدایە هەنای لە رێڕەوی تایبەت ئەرارێڕەو فریاکەفتن چوود وە ماشینیگ ترەک لە جویر پیک ئاب تویوتا لەیەکەودایە کە وسیاوێد".
