له شوون داوڕیانێگ 12 ساڵه .. عراق و قهتهر ڕێكهفتن له بان بهرقهراری پهیوهندی دبلوماسی
![له شوون داوڕیانێگ 12 ساڵه .. عراق و قهتهر ڕێكهفتن له بان بهرقهراری پهیوهندی دبلوماسی](https://media.shafaq.com/media/archive/files/Archive.jpg)
جهعفهری له كونگرهێ ڕوژنامهگهریێگ له بارهگاێ وهزارهێ كاروبار خارجیه له بهغدا ك شهفهق نیوز ئامادهێ بوێ ووت : وهل وهزیره قهتهریهگه ڕێكهفتیمه سهفارهێ قهتهر له بهغدا واز بكرێهێ و وهی زوێه دوحه سهفیر خوهی له بهغدا دهسنیشان ئهكا.
زیاتر ووتگه : قهتهر بهڵێن داگه كومهك عراق بكا و كومهكهگان له گشت بوارهیل بێجگه كل كردن سهرباز ، لهوهر ئهوهگ ئیمه گشت وڵاتهیل ئاگادار لهوه كردیمهسهو ك سهرباز هوێچ وڵاتێگ له خاك عراق ناخوازیم.
وهزیر كاروبار خارجیهی قهتهر، له یهكم سهردان له شوون ڕمیان ڕژیم سهددام له ساڵ 2003 وهدهس هێزهیل هاوپهیمان ،دوێهشهو ڕهسیه بهغدا
وهزیر كاروبار خارجیهێ قهتهریش له بان زهرورهت جیوهجی كردن دوسی نیشتمانی ههمه لایهنه له عراق و ڕیشه كیش كردن تروریزم جهخت كرد و له بان ئدانه كردن تروریزم وهگشت ناو و شێوازهگانی تهئكید كرد.
عهتیه له كونگرهێ ڕوژنامهگهریێگ زیاتر ووت : قهتهر سهرجهم پێكهاتهیل مللهت عراق وه عراقی ئهزانێ و بایهد گشت لاێگ وهیهكهوه كار بكهن ئهرا بهرقهراری دوسی نیشتمانی و له ناو بردن تروریزم.
وهزیر كاروبار خارجیهی قهتهر باس ئهوهیش كردگه ، نههیشتن تروریزم نیاز وه زانستن هوكار سهرههڵداێنێ دیرێ ، ئیمه له قهتهر تهئكید كهیم له بان زهرورهت هاوكاری كردن وهل حكومهت شهرعی عراق و دهوحه ههڵوێست خوهێ له باوهت پشتگیری كردن حكومهت تازه و واز كردن لاپهڕهیگ نوو ڕاگهیاندگه.
عهتیه تومهته ئاراسه كریایهگان ئهڕا وڵاتهگهێ له باوهت پشتگیری كردن تروریزم وه ناڕاس له قهڵهم داس و له بان ئهوهیش تهئكید كردگه ك وڵاتهگهێ ئهندامه له چهندین ناوهند ناودهوڵهتی تایبهت وه نههیشتن تروریزم.
ناوبریاگ له جواو پرسیارێگ ڕوژنامه نوێسهیل له باوهت دژایهتی كهناڵ ئاسمانی ئهلجهزیره وهل پێكهاتهیل مللهت عراق ووت : له قهتهر ئازادی ڕوژنامه نویسی دیریم و حكومهت دیدگاێ خوهێ فهرز نیهكهێگه بان دهزگا ئعلامیهگان ، ههر وهێ خاتره ههڵویست جهزیره ، ههڵوێست ڕهسمی قهتهر نییه و ههڵویست ڕهسمی دهوحه له كهناڵهیل ڕهسمی ئعلان كریهێ.
ج ك