لە دوو پارێزگا.. جەنگ هووزانە کۆتایی وە ژیان گەنجیگ تیارێد و پەیاکردن تەرم مناڵیگ دویەت کە وە دڕندانە کوشیاس

شەفەق نیوز/ دوو سەرچەوەی ئەمنی، ئمڕوو پەنجشەممە، خەوەردان لە کوشیان کەسیگ لە جەنگیگ هووزانە لە پارێزگای میسان، وەگەرد پەیاکردن تەرم دویەت مناڵیگ وە کوشیایی.

یەکیگ لە سەرچەوەیل وە ئاژانس شەفەق نیوز وت، وەردەوەردەیگ هووزانە شەوەکی شەفەق ئمڕوو پەنجشەممە، لە ناحیەی عەدل لە میسان رویدا بویە مدوو کوشیان گەنجیگ وەناو  "م، ح".

سەرچەوەگە وتیش، گەنجە کوشیاگە لایەنیگ لە مەرافە هووزانەگە نەویە بەڵکم ریوار بویە وە گولەی یەکیگ لە لایەنەیل جەنگەر کوشیاگە.

لەهەمان وەخت سەرچەوەگەی تر وت: "تەرم مناڵیگ 4 ساڵان پایاکریا کە وەشیوەی دڕندانە کوشیاگە لەناو   پەیکەر باڵەخانەیگ لەناوچەی تەحریر لە بەعقوبە ناوەن پارێزگای دیالە".