كومسیون هه‌ڵوژاردنه‌یل ، هه‌ڵویست خوه‌ێ له باوه‌ت هه‌ڵوه‌شاننه‌وه‌ێ ئه‌ندامیه‌تی جبوری ئاشكرا كرد
2015-05-31T12:47:45+00:00
ده‌سه‌ڵات قه‌زایی ، په‌نج شه‌ممه‌ی گوزه‌یشته وه‌ده‌ركردن بڕیارێگ ، بڕیاره‌گه‌ێ كومسیون باڵای سه‌روه‌خوه‌ێ هه‌ڵوژاردنه‌یل تایبه‌ت وه هه‌ڵوه‌شاننه‌وه‌ێ ئه‌ندامیه‌تی په‌رله‌مانتار مشعان جبوری ره‌ت كرده‌و، له شوون ئه‌وه‌گ ناوبریاگ ڕاس بوێن بڕونامه‌گه‌ێ سه‌لماند.
سه‌روك ئه‌نجومه‌ن كومیسیاره‌یل سه‌ربه‌ست مسته‌فا وه ، شه‌فه‌ق نیوز ، وتگه : كومسیون پابه‌نده وه جیوه‌جی كردن بڕیار ده‌زگاێ قه‌زایی تایبه‌ت وه ڕه‌ت كردن بڕیار هه‌ڵوه‌شاننه‌وه‌ێ ئه‌ندامیه‌تی مشعان جبوری له په‌رله‌مان عراق و كومسیون نیه‌توێه‌نێ ره‌ئی خوه‌ێ له باوه‌ت ئه‌و بڕیار قه‌زاییه بیه‌ێگ.
مسته‌فا زیاتر ووتگه : كومسیون هوێچ چشت تازه‌ێگ له باوه‌ت ڕاسی و دروسی بڕوا نامه‌گه‌ێ مشعان جبوری وه‌ده‌سی نه‌ڕه‌سیه ، بێجگه به‌ڵگه نامه‌گان وه‌زاره‌ێ په‌روه‌رده ك له بان ته‌زویر كردن به‌ڵگه نامه‌گان قوناغ ئاماده‌یی ته‌ئكید ئه‌كا و باس ئه‌وه‌یش كردگه جبوری ده‌سوه‌جی به‌ڵگه‌نامه‌یل تازه‌ی پێشكه‌ش ده‌زگاێ قه‌زایی كردگه.
سه‌روكایه‌تی په‌رله‌مان عراق ، سێ شه‌ممه‌ی ، گوزه‌یشته بڕیار هه‌ڵوه‌شاننه‌وه‌ێ ئه‌ندامیه‌تی مشعان جبوری ده‌ركرد له بان بنه‌وای بڕیار كومسیون هه‌ڵوژاردنه‌یل ، وه‌خاتر نه‌یاشتن بڕونامه‌ێ قوناغ ئاماده‌یی وه‌گوره‌ێ نامه‌ی وه‌زاره‌ێ په‌روه‌رده ئه‌ڕا كومسیون هه‌ڵوژاردنه‌یل.
ج ك
