فه‌تح هووكار جموجه‌يل عراق وه‌ره‌و سعوديه ئاشكرا كرد
شه‌فه‌ق نيوز/ هاوپه‌يمانى فه‌تح وه سه‌رۆكايه‌تى هادى عامرى، راسيه‌يل راسپاردن عراق له‌لايه‌ن بڕيگ له ده‌وڵه‌ته‌يله‌و ئاشكرا كرد ئه‌را ده‌رخستن رۆڵ ناوجيگه‌رى له‌ناونى شانشين عه‌ره‌بى سعودى و كۆمار ئسلامى ئيران، له‌وه‌ر ئارامه‌وكردن بارودوخه‌گه له‌ناونى هه‌ردوگ وڵات.
له‌و باوه‌ته‌و، ئه‌حمه‌د ئه‌سه‌دى قسه‌كه‌ر وه‌ناو هاپوه‌يمانيه‌گه ئه‌را شه‌فه‌ق نيوز وت: سه‌ردان عادل عه‌بدولمه‌هدى سه‌رۆك وه‌زيره‌يل ئه‌را شانشين عه‌ره‌بى سعودى و په‌ويه‌ندى راسه‌وخۆ وه‌ل ئيران و وڵاته‌يل يه‌كگرتگ ئه‌مريكا له‌وه‌ر ئه‌وه‌سه عراق ديارترين ئه‌و هيزه‌يله‌سه ك ئه‌تويه‌نێد رۆڵ بياشتود له كووره‌وكردن ئاگر قه‌يران.
ئه‌سه‌دى وت: عراق ئى رۆڵ نيشانداگه نه‌ك وه راسپارده‌ى ئى لايه‌ن و ئه‌و لايه‌ن، به‌ڵكوو خوه‌ى جموجويل ئه‌كا له‌وه‌ر خاتر مقه‌يتيكردن له به‌رژه‌وه‌نديه‌يل ملله‌ت عراق و وه‌و خاتريشه بايه‌سه هه‌وڵ فريه‌يگ بيه‌ێد تا جه‌نگ و روێ وه‌ڕوێ بوينه‌وه نه‌كه‌فێده‌و.
