عراق 9یەم جەهانی لەناوەین ئەو وڵاتەیلە لە ساڵ 2025 زیاترین رخداری وەبان گەشتیارەیل دیرێد
شەفەق نیوز/ عراق پلەی نۆیەم جەهانی وەدەسهاورد لە چوارچووب ئەو وڵاتەیلە زیاترین رخداری وەبان گەشتیارەیل دیرێد لەماوەی ساڵ 2025 وەپای گۆڤار "ceoworld" ئەمریکی.
گۆڤارەگە لە راپۆرتیگ کە ئاژانس شەفەق نیوز دیەسێ راگەیان "بڕیگ وڵات رخداری زیاتریگ دیرێد ئەرا سەردان کردن لەماوەی ساڵ 2025 لەروی رخداری ئەمنیەیل کە رویوەروی ئەو وڵاتەیلەو بوود ساڵانە، لەناویان جەنگ و تیرۆر و تاوانەیل و جەنگەیل چەکداری".وتیش "ئامانج لیە دەسمیەتیدان گەشتیار و کۆپانیاگانە ئەرا زانیاری داشتن لەباوەت نووگەریەیل ناوچە جیاوازەیل جەهان لە وەخت گەشت کردن ئەرا دەێشت وڵات، تاکەیل هەوەجەکەێد سەلامەتی و خۆشگوزەرانی خوەیان بخەنە پێشینە".گۆڤارەگە ئەو وڵاتەیلە ناونایە وە "لیست قەیەغەکریاگ" ئێ لیستە ئەرا ئەو کەسەیلەس خوازن له جەهان بگەردن باوجی هەوەجەکەێد لەی وڵاتەیلە دویرەوبوون.لە لیستەگە دوو وڵات ئەوروپی و چوار وڵات ئەفریقی و هەشت وڵات ئاسیا گرێدەو هەوەجەکەێد هەرکەس هویرەوکەێد وە گەشت ئەرا ئەو ڵاتەیلە لە "لیست قەیەغەکریاگەیل" هاتیە دوارە هویرەو لە پلانەگەی بکەێد.گۆڤارەگە تەمێ دەێد دویرەوبکەفن لەی وڵاتەیلە: سۆماڵ، باشوور سودان، ئۆکرانیا، لیبیا، سودان، پاکستان، ئەفغانستان، میانمار، و عراق کە پلەی نۆیەم لیستەگە دیرێد، و لوبنان و فەلەستین و یەمەن و بیلاروسیا و کۆریای باکوور، و سوریا.
