کەشوهەوای عراق.. داوەزیان پلەی گەرمی و "لانينيا" بیبەش وڵاتەگە لە واران کەێد

شەفەق نیوز/ شارەزای کەشناسی عەلی جابر زیادی، ئمڕوو جمعە، مەزەنەی داوەزیان پلەی گەرمی تا ناوڕاس هەفتەی ئایندە کرد، وتیش؛ کەمی واران لەوەر دیاردەیگ کەشوهەوا تیەێد کە ناوچەگە وەپیا رەد بوود.

زیادی ئەرا ئاژانس شەفەق نیوز وت: پلەی گەرمی ئمڕوو جمعە داوەزیان وەرچەویگ وە سێ پلە وەخوەی دوینێد، لەوەر پارچە وای سەردیگ وەگەرد وای باکوور لە رووژ ئمڕوو و رووژەیل بانان گورجەو بوود، کە کەشوهەوای سەردیگ دروس کەێد، باوجی شەپوول سەردییگ لاوازە، لە ناوڕاس هەفتەی ئایندە کەمەو بوود.لەباوەت واران، دیاری کرد کە وڵاتەگە کەفێدە کاریگەری رەدبوین پالەپەستۆ واراناوییگ لە ٢٤ ئی مانگە، و بوودە بەش ناوچەیل باکوور و ناوڕاس، لە شوینی وارانیگ تیەێد کە روخساری ئاڵشت بوود. زیادی وتیش: دیاردەی لانینیا لەی وەرزە بویەسە مدوو کەمەوبوین واران لە عراق و شام و فرەی دەوڵەتەیل خەلیج.