کەشناسی.. شەپوولیگ نوو واران روی لە عراق کەێد مەزەنەی بەرزونزمبوین پلەی گەرمی کرێد
شەفەق نیوز/ کەشناس عەلی جابر زیادی، ئمڕوو شەممە، مەزنەکرد لە بڕیگ پارێزگا واران وارێد، دیاریرد پلەی گەرمی لەماوەی هەفتەی ئایندە بەرزونزمەو بوود.
زیادی وە ئاژانس شەفەق نیوز وت، " پالەپەستۆی نزمیگ واراناوی وەبان کەش وڵاتەگە رەدبوود، واران لە دویای سوو دووشەممەو بوود" وتیش " ئێ پالەپەستۆیە چالاکیەگەی مامناوەنە کاریگەریەگەی وە دیاریکریاگی لە باکوور و بەشەیل خوەرهەڵات دیالە و خوەرهەڵات واست دەسوەپی کەێد و باوجی لە پارێزگایەیل ترەک کەمترە".
وتیش "پاڵەپەستۆی نزم ترەک ئەرا عراق گلەوخوەد، یەکەم رووژی لە جومعەی ئایندەس لە بڕیگ پارێزگا واران وە تونی جیاوازەیل بوود "پاڵەپەستۆی نزم ترەک لە رووژ دووشەممەی ئایندە بوود وە چالاکی بەرزیگ".
لەباوەت پلەی گەرمی زیادی دیاریکرد "سوو یەکشەممە کەمیگ پلەی گەرمی داوەزێد، وە دوو پلەی سەدی وە تایبەت لە وەخت شەفەق" وتیش "لەنیمەی هەفتەی ئایندە بەرزەوبوود وە ناجیگیری لە ئاستەگەی مینێد".
