"ساغەوکردن پویل و مادەی هووشبەر و داواکریاگەیل".. هەڵمەتیگ ئەمنی گەپیگ لە بەغداد و ئەنبار

شەفەق نیوز/ فەرماندەیی ئۆپراسیۆنەیل بەغداد، ئمڕوو چوارشەممە، دەسگیرکردن شمارەیگ داواکریاگ راگەیان  لەناویان توومەتبارن وە ئەنجامداین تاوان "ساغکردن پویل دروکانی" کە فەرماندەیی پۆلیس ئەنبار هەڵمەتیگ ئەمنی فراوان ئەنجامدا ئەرا مینەکردن ئەنجامدەرەیل تاوان و سەرپیچیکەرەیل.

فەرماندەیی لە بەیاننامەیگ رەسیە ئاژانس شەفەق نیوز راگەیان "تیمیگ (تیپ یەکەم، پەنجەم و پۆلیس فیدڕاڵی) دروسکریا وە پشت بەسان وە دەزگا و ئاژانسەیل هەواڵگێری توەنستن شمارەیگ توومەتبار وەپای مادە یاسایی  جیاوازەیل دەسگیرکریان، لە ناو توومەتبارەل ساغکردنەوەی پویل و ساختەکردن دارایی هەس و چەتەیل بازرگانیکردن و بڵاوکردن مادەی هووشبەر".

دیاریکرد "وەپیان دەسگیریاس وەبان مادەی هووشبەر و تەرازوو ئەلکترۆنی و ئامێر کیشانن، هەمیش دەسگیریاس وەبان چەک و کەرەستەیل بی مووڵەت،لەناوچەی (دورە و حەبیبیە، و شەعب، زەعفرانیە) لای کەرخ و رەسافە.

لەبەیانیگ ترەک رەسیە ئاژانس شەفەق نیوز، "هەڵمەتیگ ئەمنی فراوان ئەنجامدریاس ناوچە جیاوازەیل پارێزگاگە گرێدە خوەی، لە ئەنجام   12 داواکریاگ وە توومەت تاوانو سەرپیچی یاسایی جیاواز دەسگیرکریان.

وتیش "توومەتبارەیل وەپای مادە یاسایەیل (281، 570، 289، 298، 393، 240، 413، و430)، لەیاسای سزادان عراقی دەسوەسەر  کریانە".

هەمیش قسەکەر وەزارەت ناوخوەی عەمید موقداد میری لە بەیاننامەی کوڵیگ راگەیان، "تەنیا لەماوەی 10 ساعەت، ئەنجامدەر تاوانیگ کوشتن ژن و پیایگ لە کۆمەڵەی راوی نیشتەجیبوین لە رومادی دەسگیرکریا".