رسواییگ لە دیوانیە.. گووشت خەر و ئەسپ دەنە دەرخوارد مەردم

شەفەق نیوز/ دویای نەمان ئەسپ و خەرەیل لەناو جادە و شارەیل پارێزگای دیوانیە، مەردم و وەرپرسەیل و ریخریاگەیل خستە فتراق ئەو پرسیارە، ئایا ئەسپ و خەرەیل هانە کوو؟.

دویای ماوەیگ لە پرسیار مەردم لە نەمان خەر و ئەسپەیل لە شارەگە، دژەتاوان شوینیگ پەیا کرد کە سوخان و جیماگەیل خەر و ئەسپ پەیا کرد، کە لەناو ماڵ چووڵیگ ئەو ئاژەڵەیلە سەر بڕن، و هاتێ گووشتیان لەناو ئاشخانەیل دەنە دەرخوارد مەردم.

 کەسەیلیگ لە شار دیوانیە وتن: وەناکاوەو خەر و ئەسپ نەمەن، و ئاشخانەیل فرەیگ لە شارەگە واز بوی، و گووشت برشیاگ و کوڵیاگ وە مەردم فرووشن، کە دویر نییە گووشت خەر یا ئەسپ بوود.

هیمان لێکۆڵینەوە ئەرا رەسین وە بندروس ئەو کارەیلە وەردەوامە، کە دەسەڵاتەیل ئەمنی خوازن بڕەسنە ئەو کەسەیلە کە ئەو ماڵ چووڵە ئەرا سەربڕین خەر و ئەسپ وەکار هاوردنە.