ئەرا سەدەی شەشەم کووچی گلەوخوەێد.. دەسکریا وە بەرزەوکردن مزگەفت باب ئەلشەت لە موسڵ

شەفەق نیوز/ وەڕێوەبەر وشکنەرئاسەوار نەینەوا، روید ئەللەیلە، ئمڕوو سێشەممە، راگەیان، دەسکردنە وە بەرەوکردن و  قورتارکردن مزگەفت باب ئەلشەت مێژوویی و ئامادەکرێد ئەرا نووسازی بیناگە وەلایەن خوەبەخشەیلەو.

لەیل لەبەیانیگ ئەرا ئاژانس شەفەق نیوز ئاشکرایکرد، "کارکردن لە بینای مزگەفت شێخ شەت مێژوویی لەناوراس موسڵ کوەن دەسوەپی کردیە وە بەرزەوکردن و قورتارکردنی  لەری نووسازی بیناگە".

وتیش "نووسازیەگە وەلایەن خوەبەخشەیلەیلەو پویل ئەرا خەرجکرێد کە سەر وە کۆمەڵەی باب ئەلسەرای موسڵن، هاژیر سەرپەرشتی وشکێنەر ئاسەواری لە نەینەوا".

وتیش؛ نووسازیەگە  وە شیواز ئەو بیناسازیە کە لەبانی رێککەفیاس ئەنجامدرێد و پارێزگاری لە ناسنامە ئاسەواریەگەی مزگەفتەگە کرێد و پیچەوانەی شێوازە کوەنەگەی نییە" دووپاتکرد "پاراستن ناسنامەی روشنهویری و پێگەی بیناسازیەگەی گرنگە".