دارایی عراق دەسکەێدە سپۆنسەرکردن مووچەی خانەنشینەیل

شەفەق نیوز/ وەزارەت دارایی عراق، ئمڕوو یەکشەممە، دەسکردن وە سپۆنسەرکردن مووچەی خانەنشینەیل مەدەنی و سەربازی، وەگەرد مووچەی چەودیاریکردن کۆمەڵایەتی ئەرا مانگ کانوون دویەم راگەیان، ئەوەیش وە کتاویگ فەرمی ئەرا بانکەیل رافیدەین و رەشید.

وەزارەتەگە لە بەیاننامەیگ وت: خانەنشینەیل مەدەنی و سەربازی ئەوانەگ پەیام ئەرایان رەسێد، توەنن سەرمان بانکەیل بکەن ئا شوینەیل خەرجکردن ئەلیکترۆنی لە بەغداد و پارێزگایل ئەرا وەرگردن مووچەیان.

وتیش: مووچەیل خانەنشینەیل و چەودیاریکردن کۆمەڵایەتی وەتەواوی دابین کریاس، و هویچ قەیرانیگ لە پویل نییە.

وەزارەتەگە لە بەیاننامەگەی وتیش: گشت ئەو قسەیلە وەپیچەوانەی ئەوە، هویچ بنەمایگ لە راسی نەیرن.