دەسناین لەبان ١٨ بومب لە نزیک هەولێر
2021-03-06T12:18:03+00:00
شەفەق نیوز/ وەڕێۆبەرایەتی هەواڵگری سەربازی، ئمڕوو شەممە، راگەیان دەسناین لەبان تونێلیگ و بومبەیلیگ و ئامێرەیل تەقینەوە لەناوی، لە قەزای مەخموور نزیک پارێزگای هەولێر پایتەخت هەرێم کوردستان.
وەڕێۆبەرایەتیەگە لە بەیاننامەیگ ئمڕوو وت: لەبنەمای زانیاریەیلیگ هەواڵگری وورد، مەفرەزیل بەش هەواڵگری سەربازی لە فیرقەی ١٤ وەهاوکاری فەوج دوویەم لیوای پیادەی ٥٠ توێنستن بچنە ناو تونێلیگ داعش پەنا وەپی بەێد و خوەی لەناوی شارێدەو، و دەس نریا بان ١٨ بومب وەشیوەی جەلیکان ٢٠ لەتری و ١٣ ئامێر تەقینەوە.
بەیاننامەگە وتیش؛ تەقەلای ئەندازیاری فیرقەگە تونێلەک
گە ویران کرد و چشتەگان هانە ژیر کۆنتڕۆڵ.
