دەسگیرکردن "کەروەنجی" بازرگانیگ رخبەر مادەی هووشبەر لە بەغدا

شەفەق نیوز/ سەرچەوەیگ لە پۆلیس ناوخوەی، ئمڕوو چوارشەممە، خەوەردا لە دەسگیرکردن بازرگانیگ "رخبەر" لە دویای چەودێریکردن وەردەوام ئەرا ماوەی چەن ساعەتیگ لە باشوور بەغدای پایتەخت.

سەرچەوەگە وە ئاژانس شەفەق نیوز وت، هێزەیل ئەمنی لەری کوڵە و چەودێریکردن چەن ساعەتیگ بازرگانیگ مادەی هووشبەر داواکریاگ وەپای مادەی 28 وە نازناو "کروەنجی" دەسگیرکرد لەناوچەی زەعفرانیە باشوور بەغداد، وتیش دەسوەسەرکریاس و ئەرا زیندان کلکریا وە مدوو لێکۆڵینەوە.

ساڵانە وەزارەت ناوخوەی عراق دەسگیرکردن هەزاران زیندانی وەتوومەتەیل پەیوەست وە بازرگانی و کیشان و بڵاوکردن مادەی هووشبەر راگەێنێد، سزایەیلی بەشەوبوود وەبان زیندانیهەمیشەیی و لە سێدارەداین و سزایەیل ترەک وەپای ئەوەگ لە دەق یاسای رویوەرویبوینەوەی مادەی هووشبەر و کاریگەری دەروینیەیل هاتیە.